Bi de Echten Loopkävers oder Groten Loopkävers (CarabusWieldes dat latiensche carabus , so wiet, as dat bekannt is, bloß man "Krabbe" bedüden deit, finnt sik κάραβος bi Aristoteles ok as (en Aart) "Holtkäver" (Wöerböker: Pape 1880, Georges 1913). ) hannelt sik dat um en Geslecht mank de Loopkävers (Carabidae). Dor höört se to de Unnerfamilie vun de Carabinae mit to. As de Naam al seggt, sünd de Groten Loopkävers man groot, as de Leddern Loopkäver (Carabus coriaceus), de bit hen to 40 Millimeters lang weern kann un dor de gröttste Aart in Europa mit is. All tohopen gifft dat in Europa bi hunnert Aarden, dormank 33 in Middeleuropa. In de ganze Welt kann een mehr as 850 Aarden andrepen.
Kennteken Mol af vun Aarden ut dat Geslecht Procerus , as de Kaventsmann-Loopkäver (Procerus gigas), sünd de Groten Loopkävers, mit de Poppenrövers (Calosoma), de Sandloopkävers (Cicindela) un en paar minner bekannte Geslechter de Gröttsten mank de Loopkävers. Dat langt bi de europääschen Aarden vun bi 13 Millimeters bi den Heid-Loopkäver (Carabus nitens) bit hen to den Leddern Loopkäver mit siene 40 Millimeters.Jiři Zahradník, Irmgard Jung, Dieter Jung et al.: Käfer Mittel- und Nordwesteuropas, Parey Berlin 1985, ISBN 3-490-27118-1 In de Tropen gifft dat ok Aarden, de könnt bit hen to 70 mms lang weern. As bi all Loopkävers bestaht de Footle’e (Tarsen) an all dree Beenpaar ut fiev Le’e. De Föhlspriete sitt an’e Sieten vun’e Steern un bestaht ut 11 Le’e. Bovendem sünd de Bostplaten vun de dree Bostsegmente fast tohopenwussen. De Heken sünd meist wat lüttjer, as de Seken, un to erkennen an de Le’e vun de Vörtarsen, de wat breeder sünd. Bi allerhand Aarden sünd de Deekflunken an’e Naht tohopenwussen. Bi jem fehlt dat tweede Flunkenpaar faken ganz. Butendem kann dat angahn, datt de Fleegmuskeln ganz oder to’n Deel torüchbillt wurrn sünd. De Mundwarktüge sünd normalerwiese man dannig. Je nadem, wat se freten doot, könnt de ganz verscheden utfallen. Ok de Budden vun de Groten Loopkävers könnt ganz verscheden utsehn.
Wo se vörkamen doot De Echten Loopkävers kaamt vör in de Gemarken vun de Paläarktis un de Nearktis. Dor sünd se up’n Grund in ganz verscheden Umto antodrepen. Allerhand Aarden leevt as Endemiten oder in en bannig speziell Umto. Man annere sünd meist allerwegens to finnen.
Wie se leven doot mini|Goldloopkäver (Carabus auratus) mit Büte De meisten Aarden mank de Groten Loopkävers sünd in’e Nacht togange. All Aarden leevt as Rövers un jaagt Insekten, de up’n Grund leven doot, man ok annere Liddfööt un dorto noch Sniggen un Mettjen. En paar Aarden sünd over Dag togange un jaagt ok over Dag. All sünd se anpasst an dat Leven up’n Grund. En groten Deel, sunnerlich vun de gröttern Aarden, kann nich mehr flegen, vunwegen, datt de Achterflunken un de Fleegmuskeln torüchbillt, un vunwegen, datt de Deekflunken tohopenwussen sünd. Grote Loopkävers könnt sik gegen Feende verdeffendeern, sunnerlich gegen Vagels un Söögdeerter, de Insekten freten doot, un geeft dor Sekrete to’n Verdauen ut Mund un Achtergatt bi af.
Aarden Bi 850 Aarden sünd up de ganze Welt bekannt, man jummerlos weert noch ne’e Aarden beschreven. In düsse Listen steiht en Utwahl vun Aarden ut Europa:
Alpenloopkäver (Carabus alpestris) Sturm, 1814 Barg-Loopkäver (Carabus arcensis) Herbst, 1784 Goldloopkäver oder Goldsmitt (Carabus auratus) Linnaeus, 1761 Gollen Glimmer-Loopkäver (Carabus auronitens) Fabricius, 1792 Feld-Loopkäver (Carabus cancellatus) Illiger, 1798 Kärtnenschen Loopkäver (Carabus carinthiacus) Sturm, 1815 Över-Loopkäver (Carabus clatratus) Linnaeus, 1761 Kort wölvten Loopkäver oder Konvexen Loopkäver (Carabus convexus) Fabricius, 1775 Leddern Loopkäver (Carabus coriaceus) Linnaeus, 1758 Creutzer sien Loopkäver (Carabus creutzeri) Fabricius, 1801 Fabricius sien Loopkäver (Carabus fabricii) Duftschmid, 1812 Carabus galicianus Gory, 1839 Germar sien Loopkäver (Carabus germarii) Sturm, 1815 Russt (Carabus glabratus) Paykull, 1790 Grisseligen Loopkäver (Carabus granulatus) Linnaeus, 1758 Carabus hispanus Fabricius, 1787 Goldkuhlen-Loopkäver (Carabus hortensis) Linnaeus, 1758 Blauen Loopkäver (Carabus intricatus) Linnaeus, 1761 Afsunnerlichen Loopkäver (Carabus irregularis) Fabricius, 1792 Linne sien Loopkäver (Carabus linnaei) Panzer, 1812 Moorloopkäver (Carabus menetriesi) Hummel, 1827 Carabus monilis Fabricius, 1792 Holtloopkäver (Carabus nemoralis) O.F.Müller, 1764 Heid-Loopkäver (Carabus nitens) Linnaeus, 1758 Swatten Kuhlenloopkäver (Carabus nodulosus) Creutzer, 1799 Blauvigeletten Loopkäver (Carabus problematicus) Herbst 1786 Carabus rutilans Dejean 1826 Scheidler sien Loopkäver (Carabus scheidleri) Panzer, 1799 Bargwoold-Loopkäver (Carabus sylvestris) Panzer, 1793 Buckelstriepen-Loopkäver (Carabus ullrichii) Germar, 1824 Kuhlen-Loopkäver (Carabus variolosus) Fabricius, 1787 Goldliest oder Vigeletten Loopkäver (Carabus violaceus) Linnaeus, 1758
Literatur K.W. Harde und F. Severa: Der Kosmos Käferführer. Franckh-Kosmos Verlag, Stuttgart 2000, ISBN 3-440-06959-1. Ekkehard Wachmann, Ralph Platen, Dieter Barndt: Laufkäfer – Beobachtung, Lebensweise. Naturbuch Verlag, Augsborg 1995, ISBN 3-89440-125-7. C.H. Lindroth: The Carabidae (Coleoptera) of Fennoscandia and Denmark. Scandinavian Science Press Ltd., Leiden 1985, ISBN 90-04-07727-8 T. Deuve: Illustrated Catalogue of the Genus Carabus of the World. Pensoft Publishers 2004 Edmund Reitter: Fauna Germanica - Die Käfer des Deutschen Reiches. Band 1, K. G. Lutz, Stuttgart 1908
Belege
Weblenken
Kategorie:Echte Loopkävers