duum|Luftbild von Winzendörp un Wennersdörp (in’n Vörgrund Winzendörp, in’n Achtergrund Wennersdörp) Wennersdörp () is en Dörp in de Gemeen Winzendörp (Samtgemeen Hullnst) in’n Landkreis Horborg, Neddersassen. De Oort hett 170 Inwahners (Stand 1. Januar 2012).Dorferneuerungsplan Wenzendorf, Sied 22 (PDF; 27 MB)

Geografie

Dat Water ut dat Rebeed flütt över’n Aarbeek na de Eest hen af.

De Naveröörd sünd Raad un Mienenbüddel in’n Noordoosten, Klauenborg un Triller Barg in’n Süüdoosten, Winzendörp in’n Süden, Dierstörp in’n Süüdwesten, Dierstörp-Heid in’n Westen un Olendörp in’n Noordwesten.

Historie

To de öllsten Sporen von Minschen in dat Rebeed von Wennersdörp höört de Margaretensteen, en Hünengraff ut de Jungsteentied.

Wennersdörp kummt 1083 as Wenneremestorpe toeerst in de Oorkunnen vör. To de Tied dükert de Oort in de Kröönk von dat Klooster Harsfeld op.

In’n Eersten Weltkrieg sünd twee Soldaten ut Wennersdörp fullen oder vermisst.Onlineprojekt Gefallenendenkmäler

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Dierstörp in’n Kanton Mesborg höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Hullnst in’n Kanton Töst.

De Oort hett vör 1859 to de Vaagdie Hullnst von dat Amt Mesborg tohöört. von 1859 bet 1885 weer dat in dat Amt Töst un von 1885 bet 1932 in’n Kreis Horborg. 1932 is dat Deel von’n ne’en un grötteren Kreis Horborg worrn.

De Oort billt siet dat 19. Johrhunnert tohoop mit Winzendörp un Dierstörp de Gemeen Winzendörp.

Inwahnertall

* tohoop mit Klauenborg

Religion

Wennersdörp is evangeelsch-luthersch präägt un höört to dat Kaspel von de Andreas-Kark in Hullnst.

För de Kathoolschen is de St.-Petrus-Kark in Bookholt tostännig.

Kultur

duum|De Museumsbuurhoff In Wennersdörp bedrifft dat Butenmuseum an’n Kiekbarg en Museumsbuurhoff. Dorto hett 1987 de Landkreis Horborg den Smedshoff köfft. Siet 1997 warrt de Hoff as Ökologiehoff bedreven, op den de Arbeid mit behinnerte Minschen, Ökobueree un Denkmaalschuul verbunnen warrt. Dat Projekt Ökologiehoff driggt siet 2008 den Naam Museumsbuurhoff.

En Denkmaal för de Fullenen ut de twee Weltkrieg’ steiht in Winzendörp.

Weertschop un Infrastruktur

duum|Luftbild mit Blick op dat Gewarvrebeed För Wennersdörp is de freewillige Füürwehr Winzendörp mit tostännig.

In’n Noordoosten von Wennersdörp an de Autobahn (A 1) doot de beiden Gewarvrebeden Mienenbüddel (80 Hektar) un Wennersdörp liggen.

Dor bedrifft ünner annern Lidl en Zentrallager, dat de Rebeden in’n Westen von Hamborg, an de Süderelv un in Noordneddersassen belevert, von Drochters bet na dat Wendland. Allens tohoop sünd dat 76 Lidl-Filialen (Stand 2016). Dat 30.000 m² grote Lager is 2004 boot worrn un weer mit Investitschonen von 27 Milljonen Euro verbunnen.Lidl schafft Jobs mit Zentrallager im Landkreis Harburg, Die Welt an’n 10. Juli 2004 Von April 2015 bet Februar 2016 is dat Lager op en Grött von 47.500 m² utboot worrn. Dor hett Lidl en tweestelligen Milljonenbedrag för utgeven. Arbeiden doot dor 170 Lüüd.Claudia Michaelis: Hier steht Rades größter Waren-Karton, Stader Tageblatt an’n 11. Februar 2016

Verkehr

De Dörpstraat dör Wennersdörp is in’n Süüdwesten in Winzendörp anbunnen an de Kreisstraat 58 un in’n Oosten an de Bundsstraat 3. De B 3 föhrt in’n Noorden över Mienenbüddel un Raad na Ilsdörp un Öbergünn un in’n Süden an Bookholt langs na Sprötz un Will. De K 58 geiht von Winzendörp in’n Oosten na de B 3 un in’n Westen na Dierstörp an de K 40, de in’n Noordwesten na Hullnst an de Landsstraat 141 ran löppt un in’n Süüdoosten över Dreest na Trill an de B 75.

De nächste Autobahn is de Autobahn 1 (Afsnidd Hamborg–Bremen), de en knappen Kilometer in’n Noorden von dat Dörp langslöppt. De Opfohrt 45 Hullnst liggt so veer Kilometer in’n Noordwesten von Dierstörp an de L 141. De Opfohrt 44 Raad op de A 1 liggt fiev Kilometer in’n Noordoosten an de B 3.

De nächste Bahnhoff is so bi negen Kilometer wied weg in’n Süüdoosten de Bahnhoff Sprötz an de Bahnlien Hamborg–Bremen.

Scholen

De Kinner gaht vondaag op de Grundschool Hullnst. Bevör de School in Winzendörp dichtmaakt hett, sünd de Wennersdörper Kinner dor na School gahn. Dat weer al siet 1650 so.

Footnoten

Kategorie:Oort Kategorie:Landkreis Horborg