Pamiers (okzitaansch]] Pàmias) is en franzöösch Gemeend mit 15.317 Inwahner (Stand: 1. Januar 2015) up en Flach van 45,85 km², as ok Ünnerpräfektur un gröttste Stadt van dat Département Ariège in de Region Okzitanien.
Lage Pamiers liggt an den Stroom Ariège, de hier sien Borngebirge, de Pyrenäen, verlaaten deiht un nu relativ flach bit to de Garonne floot.
Geschichte De Stadt wurr offiziell in dat Johr 1111 van Roger II. von Foix grünnd un is siet dat Middelöller Seet van dat Bisdom Pamiers. De Stadt Pamiers is en düersam Rivalin van de Stadt Foix, de woll lüttger aber immer mächtiger weer un de wiels de franzöösch Revolutschoon to de Hööftstadt van dat Département wählt wurr.
Bowarken Besünners antokieken sünd in Pamiers de Kathedrale „Saint-Antonin“, deren achteckiger Toorn an den scheef Toorn van Pisa erinnert, un de Kark Notre-Dame-du-Camp.
Neben den sakralen Bowarken gifft dat ok noch wiedere Överreste ut vergangen Tieden, as to’n Bispeel dat „Door van Nerviaux“ oder de Toorns „De la Monnaie“ un „Des Cordeliers“ (ok de is achteckig).
Persönlichkeiten Marc Guillaume Alexis Vadier (1736–1828), franzöösch Revolutschonär Gabriel Fauré (1845–1924), Komponist Théophile Delcassé (1852–1923), führen Staatsmann van de Dart Franzöösch Republiek Raymond Dominique Carrerot (1863–1933), röömsch-kathoolsch Bischop van Porto Nacional in Brasilien Jean-Marc Eychenne (* 1956), Bischop van Pamiers Alain Fauré (1962–2018), Politiker
Städtepartnerschapen Tüschen Pamiers un de Stadt Crailsheim, Baden-Württemberg besteiht siet 1969 en Städtepartnerschap. En anner Partnerstadt is siet 1991 Terrassa in Katalonien.
Weblinks
Website van de Stadt
Kategorie:Oort Kategorie:Stadt Kategorie:Frankriek