Uhlenbusch () is en Oort in de Gemeen Draag (Samtgemeen Elvmasch) in’n Landkreis Horborg, Neddersassen.
Geografie
De Oort liggt in de Masch von de Elv.
De Naveröörd sünd Draag un Drennhusen in’n Noorden, Krüms in’n Oosten, Hunnen in’n Süüdoosten, Tönnhusen in’n Süden, Lassrönn un Krauel in’n Süüdwesten, Achterdiek in’n Westen un Groov in’n Noordwesten.
Historie
De Oort Uhlenbusch leeg fröher vör’n Elvdiek op en Sanddüün. Bi de Eerste Januarflood 1976 is de siede Sommerdiek bi Uhlenbusch an twee Steden braken. Na de Stormflood is 1976 denn anfungen worrn, den ne’en Elvdiek to boon, de nu ok Uhlenbusch mit schuult.
Verwaltungsgeschicht
De Oort hett vör 1885 to de Amtsvaagdie Masch in dat Amt Winsen tohöört. Na 1885 weer dat in’n Kreis Winsen. 1932 is dat Deel von’n Kreis Horborg worrn.
De Oort höört von öllers bi de Gemeen Draag mit bi.
Inwahnertall
Religion
Uhlenbusch is evangeelsch-luthersch präägt un höört to dat Kaspel von de Marien-Kark in Drennhusen.
För de Kathoolschen is de Goden-Hirt-Kark in Winsen tostännig.
Weertschop un Infrastruktur
För Uhlenbusch is de freewillige Füürwehr Draag mit tostännig.
Verkehr
An Uhlenbusch langs löppt de Landsstraat 217, de in’n Oosten över Draag, Drennhusen, Elvstörp, Stoov, Swinn un Rönn (dor anbunnen an de Bundsstraat 404) na Meschacht geiht un in’n Süüdwesten na Winsen. En lüttjere Straat gifft dat ans noch in’n Süüdoosten na Hunnen.
De nächste Autobahn is de Autobahn 39 (Afsnidd Hamborg–Lümborg). De Opfohrt 4 Winsen-Oost liggt so teihn Kilometer in’n Süden von Uhlenbusch an de K 84. Dat Enn von de Autobahn 25 (Afsnidd Hamborg–Geesthacht) an de B 404 liggt twölv Kilometer in’n Noordoosten.
De nächste Bahnhoff is so bi acht Kilometer wied weg in’n Süüdwesten de Bahnhoff Winsen an de Bahnlien Hamborg–Hannover.
Scholen
De Kinner ut Uhlenbusch gaht na’n Standoort Drennhusen von de Grundschool Draag.
Footnoten
Kategorie:Oort Kategorie:Landkreis Horborg