Wührn-Millbüern () weer en Gemeen in’n Kreis Oosterholt in dat Königriek Hannover un de prüüßsche Provinz Hannover. Vondaag höört dat Rebeed to de Gemeen Leendaal in’n Landkreis Oosterholt, Neddersassen.
De Gemeen bestünn ut de Öörd Wührn un Millbüern. Tosätzlich hebbt dor en poor enkelte Hüüs von Höftdiek mit bihöört.
Geografie
De Gemeen leeg in dat St.-Jürgensland twüschen Hamm un Wümm.
Historie
De twee Öörd Wührn un Millbüern hebbt siet dat 19. Johrhunnert tohoop en Gemeen billt.
Düsse Gemeen hett bet to’n 1. April 1937 bestahn. An düssen Dag sünd de Gemenen Wührn-Millbüern, Nedderenn-Sankt Jürgen, Frankenborg, Lüttmoor un Öberenn to de ne’e Gemeen Sankt Jürgen tohoopslaten worrn. Noch later, an’n 1. März 1974 mit de Gemeenreform in Neddersassen, keem dat Rebeed denn an de Gemeen Leendaal.
Inwahnertall
Religion
Dat Rebeed von de Gemeen is evangeelsch-luthersch präägt un hett kumplett to dat Kaspel von de Jürgen-Kark in Sankt Jürgen höört.
Footnoten
Kategorie:Gemeen Kategorie:Landkreis Oosterholt