How I Met Your Mother (op platt so veel as: „Woans ik joon Mudder drapen heff“) is en US-amerikaansche Sitcom-Reeg, de för den Senner CBS produzeert worrn is. De Reeg weer vun 2005 bit 2014 produzeert un ümfaat 208 Folgen in negen Staffeln. In Düütschland is de Reeg op ProSieben toeerst sennt worrn. De Geschicht speelt Anfang vun de 2000er Johren un warrt ut de Sicht vun Ted Mosby vertellt, de sien Kinner in’t Johr 2030 vertellt, woans sien Leven as jungen Architekt op de Söök na en duersome Leev in New York City verlopen is un welke Begeevnissen dorto föhrt hebbt, dat he opletzt jemehr Mudder drapen hett. De Sitcom weer spoodriek all de Johren un is mehrfack mit Feernsehpriesen uttekent worrn.
Inholt Vertellrahmen De Rahmen vun How I Met Your Mother is, dat Ted Mosby in’t Johr 2030 sien beiden Kinner Penny un Luke vertellen will, woans he jemehr Mudder drapen hett. Dorför holt he bannig wiet ut.
Sien Vertellsel geiht in’t Johr 2005 los, as he mit dormols 27 Johren in New York City leevt. He hett jüst sien Studium vun de Architektuur fardig un hett Arbeit in en Büro, wiel sien besten Fründ Marshall Eriksen kort dorför steiht, sien Jura-Studium aftosluten. De beiden deelt sik en Wahnung. Marshall is to disse Tiet al negen Johr lang mit de Kinnergoornersche Lily Aldrin tohopen. All dree sünd se mit Barney Stinson befrünnt. Wat Barney nipp un nau arbeiten deit blifft bit kort vör’t Enn vun de Reeg apen, man he is vun sik bannig övertüügt, driggt jümmer en Antogg un löpt jümmerto de Fronslüüd na. Barney versöcht Ted bitobringen, woans een – na sien egen Ansicht – leven deit, un snackt mit em regelmatig Fornslüüd an. Op disse Oort un Wies dröpt Ted Robin Scherbatsky, en junge Fro, de goot utsütt, ut Kanada kummt un anfangs as Reportersche för en öörtlichen Feernsehsenner arbeit. Ted verkiekt sik foorts in Robin un vertellt ehr dat ok gliek bi’t eerste Rendezvous. Man, dat is Robin to vell, vunwegen dat se gor keen faste Binnen ingahn will. Liekers möögt sik de beiden un besluut Frünnen to blieven. So warrt Robin Deel vun de Grupp.
De wieteren Folgen vun de Reeg dreiht sik üm dat Leven vun de fief Frünnen, woneem in’n Achtergrund jümmer de Fraag steiht, wanneer Ted de Mudder vun sien Kinner dröpt un wokeen dat wesen mag. In’n Verloop vun de Episoden warrt jümmer wedder Henwiesen un Andüden maakt, man to sehn kriggt man de Fro eerst in de letzten Staffel.
Verloop Eerste Staffel duum|Josh Radnor speelt den jungen Architekt Ted Mosby In’n Verloop vun de eersten Staffel warrt vele Begeevnissen wiest, in de Ted möögliche Droomfronslüüd dröpt. Man he fangt mit keen dorvun wat an, vunwegen dat he jümmer wedder blots Ogen för Robin hett. In de twölften Episood dröpt he op en Hochtiet Victoria, mit de he en schönen Avend tobringt. He verkiekt sik in ehr un wohrhaftig kamt de beidne tosamen. Man, Victoria geiht na Düütschland, woneem se studeren will. Un so geiht dat mit jem gau wedder vörbi, as Ted doch wedder wat för Robin föhlen deit un mit ehr wat anfangen will. An’t Enn vun de letzten Folg warrt Robin un Ted opletzt en Poor. Ted sien besten Fründ Marshall maakt dorgegen sien Bruut Lily in de eersten Folg en Heiraatsandrag, den se ok annehmen deit. De Hochtiet köst aver veel Geld un so nimmt Marshall en Steed in dat Ünnernehmen an, woneem ok Barney arbeit. Dat Ünnernehmen produzeert Stoffen, de to Lasten vun de Ümwelt gaht, wat nu got nich to Marshall sien Ansichten steiht. Sien Afsicht weer egentlich, Afkaat oder Richter to warrn, üm de Ümwelt to schulen. An’t Enn vun de eersten Staffel is sik Lily op mal nich mehr seker, wat se wohrhaftig Marshall heiraten will. Ehr Droom weer de Maleree, de se blangento as Hobby bedreven hett, aver egentlich jümmer studeren wull. Se geiht dorophen weg vun New York un nimmt en Kunststipendium in San Francisco an.
Staffel 1 – Episodenöversicht #ges#STTitelSpeelbaasDreihbook 1 1Pilot(dt.: Verliebt, verlobt, versagt)Pamela FrymanCarter Bays, Craig Thomas 2 2Purple Giraffe(dt.: Die lila Giraffe)Pamela FrymanCarter Bays, Craig Thomas 3 3Sweet Taste of Liberty(dt.: Frauen, Flieger, Freiheit)Pamela Fryman Phil Lord, Chris Miller 4 4 Return of the Shirt(dt.: Gutes altes Hemd)Pamela FrymanKourtney Kang 5 5Okay Awesome(dt.: Von Tänzern und Tauben)Pamela FrymanChris Harris 6 6 Slutty Pumpkin(dt.: Die Kürbis-Schlampe)Pamela FrymanBrenda Hsueh 7 7Matchmaker(dt.: Kakerlake liebt Maus)Pamela Fryman Sam Johnson, Chris Marcil 8 8The Duel(dt.: Das Duell)Pamela FrymanGloria Calderon Kellett 9 9Belly Full of Turkey(dt.: Wohltaten und Untaten)Pamela FrymanPhil Lord, Chris Miller 10 10Der Ananas-Vorfall(dt.: The Pineapple Incident)Pamela FrymanCarter Bays, Craig Thomas 11 11The Limo(dt.: Silvesterlaune)Pamela FrymanSam Johnson, Chris Marcil 12 12The Wedding(dt.: Hochzeitsgast plus eins)Pamela FrymanKourtney Kang 13 13Drumroll, Please(dt.: Traum und Wikrlichkeit)Pamela FrymanGloria Calderon Kellett 14 14Zip, Zip, Zip(dt.: Nur nichts überstürzen)Pamela FrymanBrenda Hsueh 15 15Game Night(dt.: Spieleabend)Pamela FrymanChris Harris 16 16Cupcake(dt.: Maßgeschneidert)Pamela FrymanMaria Ferrari 17 17Life Among the Gorillas(dt.: Leben unter Gorillas)Pamela FrymanCarter Bays, Craig Thomas 18 18Nothing Good Happens After 2 A.M.(dt.: Der Anständige)Pamela FrymanCarter Bays, Craig Thomas 19 19 Mary the Paralegal(dt.: Eine nette Nutte)Pamela FrymanChris Harris 20 20Best Prom Ever(dt.: Nur zwei Monate)Pamela FrymanIra Ungerleider 21 21Milk(dt.: Das Super-Date)Pamela FrymanCarter Bays, Craig Thomas 22 22Come on(dt.: Letzter Versuch)Pamela FrymanCarter Bays, Craig Thomas
Tweete Staffel duum|hochkant|Jason Segel speelt den Jurist Marshall Eriksen Wiel Ted un Robin nu en fast Poor sünd, is Marshall böös an’t Lieden, vunwegen dat Lily weggahn is. Se kummt aver wedder torüch na New York, mellt sik eerst aver nich bi Marshall. Korte Tiet later kamt se aver wedder tosamen. Robin un Ted dorgegen hebbt af un an Striet wegen Saken ut verleden Tieten, an de Gedanken an fröhere Partners knütt sünd. Robin gifft dorophen ehr Hunnen weg, de se mit fröhere faste Frünnen tohopen köfft harr. Laterhen plaant de beiden tohopen en Wahnung to nehmen, föhlt sik opletzt aver doch nich in de Laag, de egenen Anwennsels un Freeheiten optogeven.
De Frünnen wunnert sik över Robin ehrn Weddersinn gegen Inkoopszentren un stellt egene Theorien op, woneem dat herkummt. Marshall un Barney sluut över jemehr beiden Theorien en Backswett af, wobi Lily as „Beopdragte för de Backswett“ insett warrt. Marshall glöövt, dat Robin inst in Kanada in en Shoppingmall heiraat hett, wiel Barney glöövt, dat se mol in en Pronofilm mitspeelt hett, de in en Mall dreiht weer. As sik Marshall sien Theorie as verkehrt rutstellt, kriggt he en Backs vun Barney. Man denn warrt se wies, dat Robin in de 1990er Johren mit dat Leed Let’s Go To The Mall en kanaadschen Teeniestar weer. Marshall winnt dorophen fief Backsen, de he över de hele Reeg an Barney verdeelt.
Barney is nu wegen Ted sien Verbanneln mit Robin nich länger sien ‚Wingman‘. Dorüm laadt he sien homosexuellen Broder James för en poor Daag na New York in. Jüst as Barney weer ok James fröher blots an One-Night-Stands intresseert. Dorüm is Barney bannig daalslahn, as James em vertellt, dat he nu en faste Verbinnen ingahn hett un ok bald heiraden will. Dat Poor hett sogor vör en Kind to adopteren, worophen sik Barney mit den Gedanken anfrünnen deit un opletzt ok James sien Trotüüg warrt.
De Staffel geiht dormit to Enn, dat Marshall un Lily heiraden doot. Intwüschen sünd Robin un Ted wedder ut’neengahn vunwegen dat jemehr Ansichten över de Tokumst to verscheden weern. Man, se hebbt dat nümms vertellt, üm de Hochtiet nich mit disse Informatschoon to stören. Later in de veersten Staffel gifft Lily to, dat se naholpen hett, dat Poor ut’nennanner to bringen.
Staffel 2 – Episodenöversicht #ges#STTitelSpeelbaasDreihbook 23 1Where Were We?(dt.: Das große Baby)Pamela FrymanCarter Bays, Craig Thomas 24 2 The Scorpion and the Toad(dt.: Neues Leben, alte Fehler)Rob GreenbergChris Harris 25 3Brunch(dt.: Brunch)Pamela Fryman Stephen Lloyd 26 4 Ted Mosby: Architect(dt.: Ted Mosby, Architekt)Pamela FrymanKristen Newman 27 5 World’s Greatest Couple(dt.: Ein ideales Paar)Pamela FrymanBrenda Hsueh 28 6 Aldrin Justice(dt.: Auf Safari)Pamela FrymanJamie Rhonheimer 29 7 Swarley(dt.: Swarley)Pamela Fryman Greg Malins 30 8Atlantic City(dt.: Atlantic City)Pamela FrymanMaria Ferrari 31 9Schlag auf Schlag(dt.: Slap Bet)Pamela FrymanKourtney Kang 32 10Single Stamina(dt.: Im Pärchen-Koma)Pamela FrymanKristen Newman 33 11How Lily Stole Christmas(dt.: Wie Lily Weihnachten gestohlen hat)Pamela FrymanBrenda Hsueh 34 12First Time in New York(dt.: Erste Male)Pamela FrymanGloria Calderon Kellett 35 13Columns(dt.: Säulen der Menschheit)Rob GreenbergMatt Kuhn 36 14Monday Night Football(dt.: Das Montagsspiel)Rob GreenbergCarter Bays, Craig Thomas 37 15Lucky Penny(dt.: Wer den Penny ehrt)Pamela FrymanJamie Rhonheimer 38 16 Stuff(dt.: Nur Theater)Pamela FrymanKourtney Kang 39 17Arrivederci, Fiero(dt.: Arrivederci, Fiero)Pamela FrymanChris Harris 40 18Moving Day(dt.: Der Abschleppwagen)Pamela FrymanMaria Ferrari 41 19 Pikante Partys(dt.: Bachelor Party)Pamela FrymanCarter Bays, Craig Thomas 42 20Showdown(dt.: Showdown)Pamela FrymanGloria Calderon Kellett 43 21Something Borrowed(dt.: Hochzeit mit Harfe)Pamela FrymanGreg Malins 44 22Something Blue(dt.: Kinder oder Argentinien)Pamela FrymanCarter Bays, Craig Thomas
Drüdde Staffel duum|Cobie Smulders speelt de Reportsche Robin Scherbatsky Robin kummt torüch vun en Reis na Argentinien, woneem se ehrn ne’en Fründ Gaël drapen hett. Se blifft mit em aver nich lang tohopen. Marshall un Lily hebbt den Plaan ut de gemeensome Wahnung mit Ted uttotehn, nu wo se verheiraat sünd. Dorbi kummt rut, dat Lily wegen en Koopsucht ’n Barg Schullen hett, liekers köpt se sik en Wahnung, de aver scheef is un dordör noch mehr köst. Dorüm künnt se in de drüdden Staffel noch nich ümtehn. Ted verkiekt sik in de Dermatoloogsche Stella Zinman, bi de he in de Praxis is, üm sik en Tätoweren wegmaken to laten, de he sik in’n dunen Kopp steken laten hett. Stella hett en Dochter, Lucy, de Ted in’n Verloop vun de Staffel drapen deit.
Robin is twüschendör wedder mi ehrn Fründ ut de Jöögd tosamen, warrt vun em aver gau wedder sitten laten. Bi den Versöök ehr Trost to spennen, speelt Barney ehr dat tweete Leed vun ehr fröhrere Loopbahn vör (‚Sandcastles in the Sand‘), wat dorto föhrt, dat de beiden tohopen in’t Bett lannt. Üm de Fründschop mit Ted nich to belasten, vertellt se nix dorvun un versöökt den Vörfall to vergeten. Liekers vertellt Robin Ted dorvun, un as Barney em an sien 30. Geboortsdag ok dorvun vertellen will, beent Ted de Fründschop. An’t Enn vun Staffel dree sünd Ted un Barney beide wegen Unfäll in’t Krankenhuus, woneem se jemehr Fründschop nee maken doot. Nadem sik Stella in’t Krankenhuus vun Ted splitt harr, söcht Ted ehr in en Speelhalle op un maakt ehr en Heiraatsandrag.
Staffel 3 – Episodenöversicht