Finkenhütt () is en Hoff in de Gemeen Rethen (Samtgemeen Rethen) in’n Landkreis Heidkreis, Neddersassen.
Geografie
Dat Water ut dat Rebeed flütt över Gravens na de Wölpe af un denn na de Aller.
De Naveröörd sünd Rethen mit Klotzeborg in’n Noorden, Heern in’n Oosten, Rethen-Moor in’n Süüdoosten, Stöcken, Landwehr un Wöhlkenhütt in’n Westen un Olenborg un Risch in’n Noordwesten.
Historie
Verwaltungsgeschicht
De Oort hett vör 1850 to dat Gericht Wahlje tohöört. As dat Gericht oplööst worrn is, hett dat von 1850 bet 1859 to de Huusvaagdie in dat Amt Rethen höört un denn von 1859 bet 1885 to dat Amt Ahlden. Na 1885 weer dat in’n Kreis Fambossel, de 1977 mit’n Kreis Soltau to’n Landkreis Soltau-Fambossel tohoopgahn is. 2011 hett düsse Landkreis den ne’en Naam Landkreis Heidkreis kregen.
De Hoff höört von öllers to de Gemeen Rethen, de an’n 1. März 1974 mit de Gemeenreform in Neddersassen noch düüdlich grötter worrn is.
Inwahnertall
Religion
Finkenhütt is evangeelsch-luthersch präägt un höört to dat Kaspel von de Marienkark in Rethen.
För de Kathoolschen is de St.-Josef-Kark in Veern tostännig.
Weertschop un Infrastruktur
För Finkenhütt is de freewillige Füürwehr Rethen mit tostännig.
Verkehr
Finkenhütt liggt dicht bi de Bundsstraat 209, de in’n Noordoosten över Rethen un Kerkboitzen na Wasra geiht un in’n Süüdwesten över Stöcken na Rohrsen bi Neenborg an de B 215. In’n Süüdoosten löppt de Landsstraat 192 na Lichtenhorst.
De nächste Autobahn is de Autobahn 27 (Afsnidd Bremen–Wasra). De Opfohrt 27 Wasra-West liggt so 16 Kilometer in’n Noordoosten von Finkenhütt an de B 209.
De nächste Bahnhoff is so bi twölv Kilometer wied weg in’n Westen de Bahnhoff Eestrup an de Bahnlien Wunsdörp–Bremen. Von 1903 bet 1966 hett dat ok Personenverkehr op de Allerdaalbahn geven. De Bahnhoff Rethen leeg in düsse Tied twee Kilometer in’n Noorden.
Footnoten
Kategorie:Hoff Kategorie:Landkreis Heidkreis