Laak () is en Oort in de Gemeen Freeborg (Samtgemeen Noordkeden) in’n Landkreis Stood, Neddersassen.
Geografie
De Oort liggt in de Masch von de Nedderelv direkt achter’n olen Elvdiek (de ne’e Hauptdiek von de Elv liggt vondaag dree Kilometer in’n Noorden). Dat Water in’n Süden von’n olen Diek flütt över dat Freebörger Slüsenfleet na de Elv hen af un dat in’n Noorden von’n olen Diek över’n Süüdlichen Sielgraven.
De Naveröörd sünd Freeborg in’n Oosten, Schöneworth un Esch in’n Süden un Stellenfleet in’n Westen.
Historie
To Laak hebbt ok de Göder Laak I, Laak II un Laak III mit tohöört.
Verwaltungsgeschicht
De Oort hett vör 1852 to de Hauptmannschop Schöneworth von dat Grevengericht Freeborg tohöört un denn von 1852 bet 1885 to dat Amt Freeborg. Na 1885 weer dat in’n Kreis Keden. 1932 is dat Deel von’n Kreis Stood worrn.
De Oort weer fröher Deel von de Buurschop Esch un later to de Hauptmannschop un Buurschop Schöneworth. Noch later is Schöneworth Deel von de Gemeen Freeborg worrn.
Inwahnertall
* mit de Göder
Religion
Laak is evangeelsch-luthersch präägt un höört to dat Kaspel von de Wulphardi-Kark in Freeborg.
För de Kathoolschen is de Hillig-Geist-Kark in Stood tostännig.
Weertschop un Infrastruktur
För Laak is de freewillige Füürwehr Freeborg mit tostännig.
Verkehr
An Laak löppt de Landsstraat 111 langs, de in’n Westen över Krummendiek un Balje twüschen Geversdörp un Neehuus an de Bundsstraat 73 ran geiht un in’n Süüdoosten över Freeborg, Hamelwöörden un Wischhoben na Drochters un Stood.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so 37 Kilometer in’n Süüdoosten von Laak an de L 111.
De nächste Bahnhoff is so bi 18 Kilometer wied weg in’n Süüdwesten de Bahnhoff Wingst an de Nedderelvbahn von Cuxhoben na Hamborg.
Footnoten
Kategorie:Oort Kategorie:Landkreis Stood