Hogenlucht () is en Oortsdeel von dat Dörp Burweg in de Gemeen Burweg (Samtgemeen Olendörp-Himmelpoorten) in’n Landkreis Stood, Neddersassen.
Geografie
De Oort liggt in de Masch von de Oost direkt achtern Diek un güntsied de Windmöhl von Heckthusen.
De Naveröörd sünd Wisch in’n Noorden, Neeland-Vörwark in’n Noordoosten, Host un Bredenwisch in’n Oosten, Burweg in’n Süüdoosten, Blomendol in’n Süüdwesten un Heckthusen in’n Westen.
Historie
De Hüüs in Hogenlucht sünd an de Fährstell von de Fähr över de Oost boot worrn. Dat Fährhuus sülvs weer aver op de Heckthüser Sied bi de Möhl.
Verwaltungsgeschicht
De Oort hett vör 1885 to’n Kloosterbezirk Himmelpoorten in dat Amt Himmelpoorten tohöört. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
De Oort hett al jümmer bi de Gemeen Burweg mit bihöört, de mit de Gemeenreform in Neddersassen an’n 1. Juli 1972 dör dat Tohoopgahn mit Bossel un Blomendol nochmaal düüdlich grötter worrn is.
Inwahnertall
Religion
Hogenlucht is evangeelsch-luthersch präägt un höört to dat Kaspel von de Petrus-Kark in Host.
För de Kathoolschen is de Hillig-Geist-Kark in Stood tostännig.
Weertschop un Infrastruktur
För Hogenlucht is de freewillige Füürwehr Burweg mit tostännig.
Verkehr
An Hogenlucht langs löppt de Bundsstraat 73, de in’n Noordwesten na Heckthusen un över Hemmoor/Basbeek/Warstood na Cuxhoben geiht un in’n Süüdoosten över Burweg un Himmelpoorten na Stood.
De nächste Autobahn is de Autobahn 26 (Afsnidd Stood–Hamborg). De Opfohrt 2 Stood-Süüd liggt so 18 Kilometer in’n Süüdoosten von Hogenlucht an de B 73.
De nächste Bahnhoff is knapp twee Kilometer wied weg in’n Westen de Bahnhoff Heckthusen an de Nedderelvbahn von Cuxhoben na Hamborg. De Bahnlien geiht knapp een Kilometer in’n Süden von Hogenlucht mit de Iesenbahnbrügg Heckthusen över de Oost.
Footnoten
Kategorie:Oort Kategorie:Landkreis Stood