mini|Yared Dibaba bi’n Düütschen Radiopries 2016 in Hamborg Yared Terfa Dibaba (* 8. April 1969 in Aira, Oromia, Äthiopien) is en düütschen Moderator, Singer un Schriever.
Leven Dibaba is in Äthiopien op de Welt kamen, aver tagen in’t Ollnborger Land. Sien Vader dee an dat Lutherstift in Falkenborg arbeiden un in Falkenborg deen se ok wahnen. Dibaba güng na de Grundschool in Gannerseer. In’t Ollnborger Land hett he denn ok Plattdüütsch lehrt. He möök 1990 sien Abitur an dat Max-Planck-Gymnasium in Demost. Na ene Lehr as Koopmann in’n Groot- un Butenhannel bi ene Kaffeefirma güng he op de Schauspeelschool.
He weer in de Familienserie Die Ohnsorgs bi’n NDR to sehn un maakt mit Julia Westlake de Sendung Op Platt. Nadem Eva Herman mit ehr Verschääl över Familienpolitik aneckt is un bi’n NDR rutflagen is, hett Dibaba ehren Platz bi de Talkshow Herman und Tietjen övernahmen, de nu Die Tietjen und Dibaba heten deit.
Mit sien Grup Yared Dibaba und die Schlickrutscher maakt he siet 2016 Musik op platt, gifft CDs rut un geiht jümmer wedder op Tour.
Siet End vun Johr 2021 modereert he de Platt-Sennen Platt Schnack Mucke bi NDR Schlager. Jed en drütten Sünndag in Maand gifft dat en ne Reeg, de ok as Podcast nalustert ween kann. As Schriever hett he 2025 dat plattdüütsche Book Op de Fründschop tosomen mit Annie Heger rutgeven.
Dibaba is verheiraadt un hett twee Kinner. He leevt mit siene Familie in Altno.
Warken Böker Der Heimatforscher: Wie ich Deutsche in aller Welt besuchte. Rowohlt Taschenbuch Verlag, Reinbeck 2009 (Hochdüütsch) Platt is mien Welt. Quickborn Verlag, Hamborg 2009 Mien Welt blifft Platt. Quickborn Verlag, Hamborg 2011 Moin Tosamen! Quickborn Verlag, Hamborg 2014 Op de Fründschop – Fründschopsbook för de Groten. mit Annie Heger, Quickborn-Verlag 2025, ISBN 978-3-87651-519-9. Bin da, wer noch? Für eine Zukunft, in der das Wir gewinnt. bene! 2026, ISBN 978-3-96340-369-9
CDs Bibel-Hörbook för lüttje un groote Kinner vertellt van Yared Dibaba. Lagoline Music, Hemmingen 2011. Land in Sicht – Yared Dibaba und die Schlickrutscher, Wadidi 2016. Wiehnachten op Platt – Yared Dibaba und die Schlickrutscher, BMP Benji Music Publishing 2019. Kuddelmuddel – Yared Dibaba und die Schlickrutscher, BMP Benji Music Publishing 2022.
Weblenken
Websteed vun Yared Dibaba (hoochdüütsch)
Footnoten
Kategorie:Mann Kategorie:Moderator Kategorie:Schriever Kategorie:Singer Kategorie:Oromo Kategorie:Plattdüütsch Kategorie:Hoochdüütsch Kategorie:Boren 1969 Kategorie:Börger von Düütschland