Erika Rumsfeld (* 8. März 1919 in Bremen; † 30. Juli 1998Todesanzeige, Weser-Kurier von’n 4. August 1998, Sied 16 ok dor) weer en düütsche Schauspelerin, de vör allen för ehr plattdüütsche Rullen bi dat Waldau-Theater in Bremen bekannt weer. Se weer aver ok in’t Feernsehn un in Höörspelen to sehn un to hören.
Rumsfeld is 1919 as Dochter von en Schlosser in Bremen boren un in Walle an’n Steffensweg un an de Deesdorper Strate opwussen.Zwischen Bank und Bühne, Weser-Kurier von’n 19. November 1993, Sied 18 Se weer op de Evermannschool an de Helgolanner Strate un hett na de School bi de Bank anfungen. Egentlich wull se dor al lever Ballett un Gesang lehren, aver von wegen dat Geld is dor nix von worrn. In’n Hauptberoop hett se denn över 40 Johr lang bi de Bremer Bank arbeidt.„Jümmer Nees ut Hart un Seel“. Die populäre Volksschauspielerin Erika Rumsfeld ist gestorben, Weser-Kurier von’n 4. August 1998, Sied 9 An’n 31. März 1979 hett se bi de Bremer Bank ehren Afscheed nahmen.Erika Rumsfeld feiert Jubiläum, Weser-Kurier von’n 10./11. März 1979, Sied 16 Liekers weer de Schauspeleree de gröttste Kunstante in ehr Leven. Al 1933 hett se bi de „Volkskunstspielgemeinschaft“ in Walle op de Bühn stahn. Later is ut düsse Speelgemeenschop dat Waldau-Theater worrn. Bi dat Waldau-Theater hett se vele Johrteihnten lang speelt.
1979 hett se för ehr Wark den Richard-Ohnsorg-Pries wunnen un 1987 den sülvern Roland von de Volksbühn Bremen.Erika Rumsfeld erhielt den silbernen Roland, Weser-Kurier von’n 26. September 1987, Sied 21
Rumsfeld is 1998 doodbleven un liggt op’n Karkhoff Walle begraven. Ofschoonst se as as plattdüütsche Volksschauspelerin bekannt weer, hett de Dochter von en Fro ut Sachsen privaat ehr Leven lang Hoochdüütsch snackt.
Filmografie (Utwahl) Johr Titel Rull 1967 Das Fräulein Erna Diepholz 1978 Vier Stunden von Elbe 1 Tante Lise 1976–1978 Loriot verschedene
Höörspelen
Lock in’n Tuun. 1951 Wenn de Hahn kreiht. 1951 (as Trina Witt) Knops gegen Knips. 1952 Dat Speel von den rieken Mann. 1952 De Pott is twei. 1953 Tein Jahr un dree Daag. 1954 (as Greet) Von dem Fischer und seiner Frau. Ein altes Märchen im neuen Gewande. 1955 De Vergant-Schoster. 1955 Konzert in Dippelshagen. 1955 Den Diek sluten! 1956 Moder Maree. 1956 Foffteinhunnert Mark! 1957 Bürgermeisterwahl. Der kleine Wahlkampf. 1957 De Plättmaschin. 1960 Hans Brüggemann. 1961 Droom an’n Hilligabend. 1964 De Düwel mit dree gollen Haar. 1964 De Fischer un sien Fro. 1965 In Luuv un Lee de Leev. 1965 Wenn de Hahn kräht. 1969 (as Gesine) De sülvern Mööw. 1977 Die Gedenktafel. 1988 Vertell wat vun fröher. 1989
Footnoten
Kategorie:Fru Kategorie:Schauspeler Kategorie:Plattdüütsch Kategorie:Börger von Düütschland Kategorie:Boren 1919 Kategorie:Storven 1998