7P/Pons-Winnecke is en Komeet, de an’n 12. Juni 1819 vun Jean-Louis Pons an de Steernwacht vun Marseille opdeckt worrn is. He weer later ut de Ogen verloren worrn. De düütsche Astronom Friedrich August Theodor Winnecke, de in Bonn arbeiten de, hett em an’n 9. März 1958 wedder opdeckt.
De Komeet höört to de Jupiter-Familie un hett en Ümlooptiet vun ruchweg 6,3 Johren. In’t Johr 1927 is de Komeet bit op ünner söss Millionen Kilometers an de Eer ran kamen. De Versöök, de Grött vun den Karn optisch uttometen is wegen dat Oplöösvermögen vun de Methood nich mööglich wesen. Man en Bövergrenz vun ruchweg 5 km is dorbi rutkamenVergliek: John C. Brandt, Robert D. Chapman: Introduction to Comets, 2nd ed., Cambridge 2004, ISBN 0-521-00466-7, S. 241.. Anfang vun’t 21. Johrhunnert is de Dörmeter op 5,2 km bestimmt worrnDatenblatt vun’t JPL; afropen an’n 6. Februar 2018, annere Borns hebbt en Dörmeter vun 4,48 ± 0,02 km faststelltC. Snodgrass, A. Fitzsimmons, S. C. Lowry1: The nuclei of comets 7P/Pons-Winnecke, 14P/Wolf and 92P/Sanguin, 6. September 2005.
7P/Pons-Winnecke is de Born vun den Meteorstroom vun de Juni-Bootiden, de jeed Johr vun’n 22. Juni bit to’n 2. Juli to sehn isE. A. Rodríguez, J.M. Madiedo, J.M. Trigo-Rodríguez, N. Konovalova: Analysis of Large Meteoroids Produced by Comet 7P/Pons-Winnecke, in: 43rd Lunar and Planetary Science Conference (2012), 2012 ..
Kiek ok List vun de Kometen
Borns
Weblenken 7P Historie op Gary W. Kronk sien Cometography (engelsch)
Kategorie:Komeet