Sandhörn () is en lütten Oort in de Gemeen Greundiek (Samtgemeen Lüh) in’n Landkreis Stood, Neddersassen.
Sandhörn billt mit Sietwenn en Exklaav von de Gemeen Greundiek. Dat Rebeed liggt twüschen de Gemenen Hullern-Twielenfleet un Steenkark.
Geografie
De Oort liggt in de eerste Miel von Oolland in de Masch von de Ünnerelv. Vör Sandhörn in de Elv liggt de Lühsand.
De Naveröörd sünd Greundiek mit Mojenhörn un Steenkark mit Wetterndörp un Huttfleet in’n Süüdoosten, Sietwenn in’n Süden, Bachenbrook in’n Süüdwesten, Hullern mit Sövenhöben in’n Westen un Twielenfleet in’n Noordwesten.
Historie
Bi Sandhörn leeg ok de Oort Halstenfleet, de bi en Störmflood in de Elv ünnergahn is.
Verwaltungsgeschicht
De Oort hett vör 1852 to de Hauptmannschop Twielenfleet von dat Grevengericht Oolland tohöört un denn von 1852 bet 1885 to dat Amt Jörk. Na 1885 weer dat in’n Kreis Jörk, de 1932 Deel von’n Kreis Stood worrn is.
De Oort hett fröher bi de Gemeen Twielenfleet bihöört. Eerst in de twete Hälft von dat 19. Johrhunnert is Greundiek en egenstännige Gemeen worrn, bi de denn ok Sandhörn mit bihöört hett.
Inwahnertall
Religion
Sandhörn is evangeelsch-luthersch präägt un höört to dat Kaspel von de Marienkark in Greundiek.
För de Kathoolschen is de Hillig-Geist-Kark in Stood tostännig.
Weertschop un Infrastruktur
För Sandhörn is de freewillige Füürwehr Greundiek mit tostännig.
Verkehr
Nich wied weg von Sandhörn löppt de Landsstraat 140 langs, de in’n Noordwesten över Hullern na Stood geiht un in’n Süüdoosten över Greundiek, Steenkark un Mittelskark na Jörk un op’n Hambörger Süden to.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so negen Kilometer in’n Süüdwesten von Sandhörn an de L 111 un de Opfohrt 4 Dullern negen Kilometer in’n Süden an de L 125.
De nächste Bahnhoff is so bi negen Kilometer wied weg in’n Westen de Bahnhoff Stood an de Nedderelvbahn von Cuxhoben na Hamborg.
Footnoten
Kategorie:Oort Kategorie:Landkreis Stood