De Kanton Rethen weer as Kanton en Verwaltungsrebeed in de Franzosentied (1810-1813). De Seet weer Rethen.
Historie
Dat Rebeed weer vörher Deel von dat Förstendom Lümborg (Kurförstendom Hannover) un hett dor to dat Amt Rethen höört.
An’n 1. März 1810 hett de König von dat Königriek Westfalen, Hieronymus, kund daan, dat dat Kurförstendom Hannover Deel von sien Königriek warrt. Westfalen weer en Vasallenstaat von dat Franzöösche Kaiserriek, dat siet 1803 dat Kurförstendom besett hollen harr.
Binnen Westfalen weer de Kanton Rethen een von de ölven Kantons in’n Distrikt Veern von dat Departement von de Elv- un Wersermünnen. Man al to’n 1. Januar 1811 harr dat wedder en Enn. Dat Königriek Westfalen müss dat Departement direkt an dat Franzöösche Kaiserriek afgeven. De Kanton Rethen weer nu een von de acht Kantons, ut de de Distrikt Neenborg in dat Departement von de Wersermünnen tohoopsett weer. Dichtbi weer de Grenz von dat Franzöösche Kaiserriek na dat Königriek Westfalen.
1813/1814 hebbt de Russen de Franzosen slahn un dat Rebeed befreet. Dat Kurförstendom Hannover is denn wedder herstellt worrn un de ole Stand von vör 1810 wedder dor.
Kantons
Königriek Westfalen
De Kanton weer indeelt in acht Mairien:Bulletin des lois du Royaume de Westphalie. Königliche Bookdruckeree, Kassel 1810, Sied 23
Mairie Rethen: Rethen Mairie Anderten: Anderten, Hämelsee Mairie Heemsen: Heemsen, Lechtenmoor, Gottsbünnen (mit dree Kolonien), Rohßen Mairie Hülsen: Hülsen, Wohlendörp, Olendiek, Donnerhorst, Horst, Stöcken, Landwehr Mairie Heern: Heern, Frankenfeld, Bosse Mairie Eilte: Eilte Mairie Aalen: Aalen, mit een Tegelee un een Windmöhl Mairie Büchten: Büchten, Graitn, Hörem
Kaiserriek Frankriek
De Kanton harr 7211 Inwahners un weer indeelt in dree Mairien:Albrecht Friedrich Ludolph Lasius: Der französische Kayser-Staat unter der Regierung des Kaysers Napoleon des Großen, im Jahre 1812, Band 1. Kißling 1813, Sied 112
Mairie Rethen Mairie Wessen Mairie Kerkboitzen
Footnoten
Kategorie:Kanton