En Dialekt (latiensch dialectus, -os, utlehnt ut ooldgr. diálektos ‚Ümgangsspraak, Praatwies, Mundaart‘, billt to dialégesthai ‚miteen snacken‘), ok Mundaard nömmt, is en öörtliche oder landschopliche Spraakvarietät. He kann sik vun änneren Dialekten so ok as vun de Standardspraak (oorsprünglich Schriftspraak) in all Spraakberieken, as Phonologie, Grammatik, Morphologie, Satzbo, Woordschatt un Idiomatik ünnerscheedt.
Vun den Begreep „Dialekt“ is de Begreep „Akzent“ düütlich aftogrenzen, wo disse sik blots op de Utspraak un de Betonen betüht.
De Ünnerdeel vun de Spraakwetenschop, de sik mit dat Beschrieven vun Dialekten befaten deit, warrt Dialektologie nömmt. In de ne’ere Linguistik sett sik ok de Soziolinguistik mit Dialekten ut’neen. Sowiet literarsche Warken in en Dialekt verfaat sünd, snackt man vun Dialektliteratur.
Literatur
Wiktor M. Schirmunski: Deutsche Mundartkunde. Vergleichende Laut- und Formenlehre der deutschen Mundarten. Hrsg. und kommentiert von Larissa Naiditsch, unter Mitarbeit von Peter Wiesinger. Aus dem Russischen übersetzt von Wolfgang Fleischer. Lang, Frankfurt am Main u. a. 2010, ISBN 978-3-631-59973-0. Joachim Göschel, Norbert Nail, Gaston Van der Elst (Ruutgevers): Zur Theorie des Dialekts. Aufsätze aus 100 Jahren Forschung. Mit biographischen Anmerkungen zu den Autoren (= Zeitschrift für Dialektologie und Linguistik. Beihefte, Neue Folge Nr. 16). Franz Steiner, Wiesbaden 1976, ISBN 3-515-03498-6.
Alfred Lameli: Strukturen im Sprachraum. Analysen zur arealtypologischen Komplexität der Dialekte in Deutschland. De Gruyter, Berlin 2013, ISBN 978-3-11-033123-3. Karl-Heinz Göttert: Alles außer Hochdeutsch. Ein Streifzug durch unsere Dialekte. Ullstein, Berlin 2011, ISBN 978-3-550-08877-3.
Weblenken
Diskusschoon Dialekt vs. Spraak Regionalsprache.de Dialektometrie.com Kaart „Dialekt“ – „Mundart“ – „Platt“
Kategorie:Dialekt