Walter Huston, eegentlich Walter Houghston (* 6. April 1884 in Toronto, Ontario; † 7. April 1950 in Hollywood, Los Angeles, Kalifornien), weer en kanaadsch Schauspeler, de as bedüüden Charakterdorsteller in' amerikaansch Film un Theater gull. De Vader vun den Speelbaas John Huston wunn 1949 den Oscar as best Nebendorsteller för sien Rull in Der Schatz der Sierra Madre.
Leven Walter Huston hett tonächst Ingenieurswetenschapen studeert, bevör he as Schauspeler Karriere maaken dee. All 1905 weer he en bekannt Naam in' Vaudeville un kreeg eerste Angebote, in New York uptotreeden. In dat sülvig Johr hett he de Journalistin Ruth Gore heiraadt. Nah de Gebort vun sien Söhn John Huston 1906 hett he vörövergahnd as Kraftwerksingenieur arbeit. 1909 kehr he torüch in't Vaudeville un weer gau ok weer en spoodriek Entertainer. 1924 harr he mit dat Mr. Pitt endlich sien Dörbröök as dramatisch Schauspeler. Kört dorup wurr he för sien sensatschonelle Dorstellen in Desire Under the Elms vun Eugene O’Neill fiert.
Up den Hööchtpunkt vun sien Broadway-Karriere hett he sück 1929 den Exodus gen Westen anslooten, indem he in Hollywood sien Glück söch. Upträen in Gentlemen of the Press neben Kay Francis un as Abraham Lincoln in de Adaptschoon von D. W. Griffith hemm ut hüm woll en bekannt Naam, aber kien Star maakt. Untfräe mit de Rullen, de he kreeg, kehr he torüch an den Broadway, wo he mit Dodsworth vun Sinclair Lewis sein bit dorhen gröttsten Erfolg fiern kunn. In de Filmadaptschoon Zeit der Liebe, Zeit des Abschieds hett he 1936 ünner de Regie vun William Wyler sien Rull as spoodriek Industrieller, de en Levenskrise bewältigen muss, nahdem he opdeckt harr, dat sien Fru, speelt vun Ruth Chatterton, hüm nich mehr leev hett, wedderhalen. För sien intensiv Dorstellen wunn Huston 1936 as best Dorsteller den Pries vun de New Yorker Filmkritiker.
En noch grötteren Erfolg as Bühnenschauspeler harr he in dat Stück Knickerbocker Holiday, de sien Leed September Song to de Erkennensmelodie vun Huston wurrn sull. Sien Filmkarriere bleev aber ehrder minn, afsehn vun sien Upträe as Düvel in Der Teufel und Daniel Webster, en Adaptschoon vun de glieknamig Vertellsels vun Stephen Vincent Benét ünner de Regie vun William Dieterle, un as Geliebter vun Ona Munson as Mother Gin Sling in Josef von Sternberg sien Laatwark Abrechnung in Shanghai. 1949 wunn Walter Huston neben en Golden Globe ok den Oscar as bestr Nebendorsteller för sien Rull as erfohren Goldsöker in den Film Der Schatz der Sierra Madre ünner de Regie vun sien Söhn John Huston. Kört, nahdem de Dreiharbeiten to The Furies, in de he den Vader vun Barbara Stanwyck speel, afslooten weern, is he storven.
Filmographie (Utwahl) Johr Titel Synchroonsnacker 1929 Gentleman of the Press 1929 The Virginiandt.: Der Mann aus Virginia 1930 Abraham Lincoln 1930 The Virtuous Sin 1930 The Criminal Codedt.: Das Strafgesetzbuch 1931 The Star Witness 1932 Law and Orderdt.: Gesetz und Ordnung Joachim Cadenbach 1932 The Beast of the City 1932 A House Diveded 1932 Rain 1932 American Madnessdt.: Der Tag, an dem die Bank gestürmt wurde 1932 Kongo 1933 The Prizefighter and the Ladydt.: Der Boxer und die Lady 1933 Gabriel Over the White Housedt.: Zwischen heut und morgen 1933 Ann Vickers 1933 Storm at Daybreak 1936 Dodsworthdt.: Zeit der Liebe, Zeit des Abschieds Joachim Cadenbach (Synchro 1977) 1938 Of Human Hearts 1939 The Light That Failed 1940 The Outlawdt.: Geächtet 1941 All That Money Can Buydt.: Der Teufel und Daniel Webster 1941 The Shanghai Gesturedt.: Abrechnung in Shanghai Helmut Schellhardt 1942 Always in My Heartdt.: Im Schatten des Herzens 1943 Edge of Darknessdt.: Aufstand in Trollness Berno von Cramm (Synchro 1997) 1943 Mission to Moscowdt.: Botschafter in Moskau 1943 The North Star (Film)dt.: The North Star 1943 December 7thdt.: Der 7. Dezember 1944 Dragon Seed 1945 And Then There Were Nonedt.: Das letzte Wochenende Walther Suessenguth 1946 Duell in the Sundt.: Duell in der Sonne Bum Krüger 1948 The Treasure oft he Sierra Madredt.: Der Schatz der Sierre Madre Konrad Wagner 1949 The Great Sinnerdt.: Der Spieler 1950 The Furiesdt.: Die Farm de Besessenen Konrad Wagner
Utteknungen 1937: Oscars 1937 – Nomineeren as best Hööftdorsteller för Zeit der Liebe, Zeit des Abschieds 1942: Oscars 1942 – Nomineeren as bester Hööftdorsteller för Der Teufel und Daniel Webster 1943: Oscars 1943 – Nomineeren as best Nevendorsteller för Yankee Doodle Dandy 1949: Oscars 1949 – Best Nevendorsteller för Der Schatz der Sierra Madre
Literatur John Weld: September Song. An Intimate Biography of Walter Huston (= Filmmakers. Bd. 60). Scarecrow Press, Metuchen NJ u. a. 1998, ISBN 0-8108-3408-1.
Weblenken
Kategorie:Mann Kategorie:Börger von Kanada Kategorie:Schauspeler Kategorie:Boren 1884 Kategorie:Storven 1950