Nückel () is en lütt Dörp in de Gemeen Lox in’n Landkreis Cuxhoben, Neddersassen. Binnen de Gemeen höört de Oort to de polietsche Oortschop Bexhöv.

Ok en Deel von’n lüttjen Oort Dünenfähr hett mit to Nückel höört.

Geografie

De Oort liggt op de Wersermünner Geest. Dat Water ut dat Rebeed warrt över Gravens na de Rohr hen afföhrt, de an’n Noordrand von Nückel langsflütt.

De Naveröörd sünd Schippdörp un Apeler in’n Noorden, Junkernhoos, Hosermöhlen un Sellst in’n Noordoosten, Donnern in’n Oosten, Bexhöv in’n Süüdoosten, Dünenfähr in’n Süden, Lox in’n Süüdwesten, Hogeworth in’n Westen un Wulsdörp un Suurheid in’n Noordwesten.

Historie

duum|Goodshuus von Good Nückel Dat Dörp Nückel geiht trügg op dat Good Nückel, dat 1139 as Nucla toeerst in de Oorkunnen vörkummt.

Verwaltungsgeschicht

In de Franzosentied von 1810 bet 1814 hett de Oort to de Mairie Bexhöv in’n Kanton Bremerleh höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1851 to’n Bezirk von dat Borggericht Oolluunbarg in de Huusvaagdie Oolluunbarg von dat Gericht Beverst tohöört un denn von 1851 bet 1859 to dat Amt Beverst. Von 1859 bet 1885 weer de Oort in dat Amt Leh un na 1885 in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.

De Oort weer fröher en egenstännige Gemeen, is aver 1929 denn Deel von de Gemeen Bexhöv worrn. Mit de Gemeenreform in Neddersassen an’n 1. März 1974 is Bexhöv an de Gemeen Lox kamen. Binnen de Gemeen Lox höört Nückel nu to de Oortschop Bexhöv.

Inwahnertall

* tohoop mit Dünenfähr

Religion

Nückel is evangeelsch-luthersch präägt un höört to dat Kaspel von de Johannes-de-Döper-Kark in Bexhöv.

För de Kathoolschen is de Hillig-Hart-Jesu-Kark in Geestmünn tostännig.

Weertschop un Infrastruktur

För Nückel is de freewillige Füürwehr Bexhöv mit tostännig.

Verkehr

Nückel liggt an en Siedenstraat von de Bundsstraat 71, de in’n Westen bi Wulsdörp in de B 6 münnt un in’n Oosten över Bexhöv un Beverst na Bremervöör geiht.

De nächste Autobahn is de Autobahn 27 (Afsnidd Bremen–Bremerhoben). De Opfohrt 9 Wulsdörp liggt dree Kilometer in’n Westen von Nückel an de B 71.

De nächste Bahnhoff is so bi veer Kilometer wied weg in’n Süden de Bahnhoff Lox an de Bahnlien Bremen–Bremerhoben.

Scholen

De Kinner ut Nückel gaht na de Grundschool Bexhöv.

Footnoten

Kategorie:Oort Kategorie:Landkreis Cuxhoben