Griemen () is en lütten Oort in de Gemeen Visselhöövd in’n Landkreis Rodenborg, Neddersassen. Binnen de Gemeen höört de Oort to de polietsche Oortschop Kedenborg.

Geografie

De Oort liggt in de Lümbörger Heid. Dicht bi Griemen flütt de Lehrde langs.

De Naveröörd sünd Kedenborg, Visselhöövd un Oddingen in’n Noordoosten, Meyerhoff un Ohrsen in’n Oosten, Jarl un Hilligensehl in’n Süüdoosten, Fahlbeek un Stellich in’n Süüdwesten, Bleckwedel in’n Westen un Jeddingen un Wehnsen in’n Noordwesten.

Historie

Griemen kummt 1470/1471 toeerst in de Oorkunnen vör.

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Griemen in’n Kanton Wasra höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Stellich in’n Kanton Wasra.

De Oort hett vör 1852 to dat Gericht Cordingen in dat Amt Rethen tohöört un denn von 1852 bet 1885 to dat Amt Fambossel. Na 1885 weer dat in’n Kreis Fambossel. 1932 is dat för korte Tied Deel von’n Kreis Soltau-Fambossel worrn, de 1933 wedder oplööst worrn is, so dat de Oort to’n Kreis Fambossel höört hett.

De Oort höört von öllers bi de Gemeen Kedenborg mit bi, de an’n 1. März 1974 mit de Gemeenreform in Neddersassen Deel von de Gemeen Visselhöövd worrn is. Dorbi is de Oort ut’n Landkreis Fambossel in’n Landkreis Rodenborg wesselt. Sietdem billt Kedenborg binnen de Gemeen en Oortschop mit egen Oortsvörsteiher.

Inwahnertall

Religion

Griemen is evangeelsch-luthersch präägt un höört to dat Kaspel von de Johannis-Kark in Wasra.

För de Kathoolschen weer von 1852 bet 1960 de Kapell op Slott Kedenborg tostännig. Nu is de Hart-Jesu-Kark in Visselhöövd tostännig, de siet 1. August 2004 to de Karkengemeen St. Maria von’n hilligen Rosenkranz in Wasra tohöört.

Weertschop un Infrastruktur

För Griemen is de freewillige Füürwehr Kedenborg mit tostännig.

Verkehr

De Straat dör Griemen löppt in’n Noordoosten na Kedenborg an de Kreisstraat 245 un wieder an de Landsstraat 161 un in’n Süüdoosten na Hilligensehl an de L 161. De L 161 föhrt in’n Noorden na Visselhöövd an de Bundsstraat 440 un in’n Süden över Ebben na Wasra an de B 209.

De nächste Autobahn is de Autobahn 27 (Afsnidd Bremen–Wasra). De Opfohrt 27 Wasra-West liggt so 13 Kilometer in’n Süden von Griemen an de B 209.

De nächste Bahnhoff is so bi fiev Kilometer wied weg in’n Noorden de Bahnhoff Visselhöövd an de Bahnlien Ülzen–Langwedel.

Scholen

De Kinner ut Griemen gaht na de Grundschool Jeddingen. Bet 1969 sünd de Schölers in Kedenborg na de Volksschool gahn un denn na de Middelpunktschool in Visselhöövd wesselt. Later sünd se na Jeddingen wesselt.

Footnoten

Kategorie:Oort Kategorie:Landkreis Rodenborg (Wümm)