De Nautiloideen (Nautiloidea) sünd en Deelgrupp vun de Koppfööt (Cephalopoda, Mollusca). To’n groten Deel sünd se hüdigendags utstorven, man een Familie hett bit up düssen Dag overleevt, dat sünd de Parlboote (Nautilidae). Vördem hett dat Taxon bi 800 bekannte Geslechter harrt un unbannig veel Formen. 90 % hefft in dat Eerdtiedöller vun’t Paläozoikum leevt. In de Trias geev dat noch bi 30 Geslechter, bi 26 weern dat in dat Jungmesozoikum (Jura un Kried), 9 bestunnen noch in dat Paläogen un dree in dat Neogen.Ziegler: Einführung in die Paläobiologie. 2004, S. 247. Hüüttodaags gifft dat noch twee Geslechter: Nautilus mit veer AardenRosenberg, G. (2013). Nautilus Linnaeus, 1758. World Register of Marine Species, afropen an‘n 12. September 2013 un Allonautilus mit een AartBouchet, P. (2013). Allonautilus Ward & Saunders, 1997. World Register of Marine Species, afropen an’n 12. September 2013. Beide kaamt vör in den zentralen Indopazifik vun de Philippinen bit hen na Samoa.Ziegler: Einführung in die Paläobiologie. 2004, S. 234. In de klassische bioloogsche Systematik weert de Nautiloidea as en Unnerklass mank de Koppfööt ankekenGofas, S. (2013). Nautiloidea. In: World Register of Marine Species, afropen an’n 16. September 2013 All Nautiloideen hefft en „Huus“, dat as Butenskelett denen deit.
Unnertaxa mini|upright=1.5|Düsse Nautiloideen hett dat geven vun’n Kambrium bit hüüttodaag
Hier weert de Unnergruppen na de klassische Systematik upföhrt na de Tied, wo se uptreden sünd:Ziegler: Einführung in die Paläobiologie. 2004, S. 257–258.Clarkson: Invertebrate Palaeontology and Evolution. 1998, S. 235. † Plectronocerida † Ellesmerocerida † Endocerida † Orthocerida † Actinocerida † Tarphycerida † Barrandeocerida † Discosorida † Oncocerida † Ascocerida Nautilida
Literatur Euan N. K. Clarkson: Invertebrate Palaeontology and Evolution. 4th edition. Blackwell Publishers, Malden MA u. a. 1998, ISBN 0-6320-5238-4. Bernhard Ziegler: Einführung in die Paläobiologie. Teil 2: Spezielle Paläontologie, Protisten, Spongien und Coelenteraten, Mollusken. 2. Uplage 1991. Schweizerbartsche Verlagsbuchhandlung, Stuttgart 2004, ISBN 3-510-65036-0.
Belege
Weblenken
Kategorie:Koppfööt Kategorie:Utstorven