Höltenwarder () is en lütten Oort in de Gemeen Veern in’n Landkreis Veern, Neddersassen.
Geografie
De Oort liggt an de Steed, an de de Mauloher Graven in de Aller münnt.
De Naveröörd sünd Daulsen un Halsmöhlen in’n Noordoosten, Veern in’n Süüdoosten, Hänsch in’n Süden, Groten Huttbargen un Lüttjen Huttbargen in’n Süüdwesten, Ritzenbargen in’n Westen un Lüttjen Eeßel un Groten Eeßel mit’n Holbmer Winkel in’n Noordwesten.
Historie
Verwaltungsgeschicht
De Oort hett vör 1885 to de amtsfre’e Stadt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort höört von öllers bi de Stadtgemeen Veern mit bi, de an’n 1. Juli 1972 mit de Gemeenreform in Neddersassen noch düüdlich grötter worrn is.
Inwahnertall
Religion
Höltenwarder is evangeelsch-luthersch präägt un höört to dat Kaspel von’n Doom in Veern.
För de Kathoolschen is de St.-Josef-Kark in Veern tostännig.
Weertschop un Infrastruktur
Verkehr
Von Höltenwarder föhrt lüttjere Straten na de Bundsstraat 215, de in’n Noordoosten över Daulsen un Wall na Rodenborg geiht un in’n Süden na Veern un Dörbern.
De nächste Autobahn is de Autobahn 27 (Afsnidd Bremen–Wasra). De Opfohrt 25 Veern-Noord liggt so veer Kilometer in’n Noordoosten von Höltenwarder an de B 215.
De nächste Bahnhoff is so bi dree Kilometer in’n Süüdwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen.
Scholen
De Kinner ut Höltenwarder gaht op de Grundschool an’n Sassenhain in Daulsen/Halsmöhlen.
Footnoten
Kategorie:Oort Kategorie:Landkreis Veern