Saasloh () is en lütten Oort in de Gemeen Kerklinneln in’n Landkreis Veern, Neddersassen. Binnen de Gemeen Kerklinneln höört de Oort to de polietsche Oortschop Neernabargen.

Geografie

De Oort liggt op de Linnelner Geest. Dat Water ut dat Rebeed flütt över de Lehrde af.

De Naveröörd sünd Neenföör in’n Noorden, Kükenmoor un Veernermoor in’n Noordoosten, Lehrn in’n Süüdoosten, Neernabargen in’n Süden, Armsen in’n Süüdwesten un Specken un Ramels in’n Noordwesten.

Historie

De Naam von’n Oort geiht trügg op den Forst Saasloh, an den sien Süüdkant de Oort liggt.

Verwaltungsgeschicht

De Oort hett vör 1885 to de Vaagdie Eitze in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.

De Oort höört al von öllers bi de Gemeen Neernabargen mit bi, de an’n 1. Juli 1972 mit de Gemeenreform in Neddersassen Deel von de Gemeen Kerklinneln worrn is.

Inwahnertall

Religion

Saasloh is evangeelsch-luthersch präägt un höört to dat Kaspel von de Jakobi-Kark in Wittloh. Bet 1859 hett dat to dat Kaspel von de Andreas-Kark in Veern höört.

För de Kathoolschen is de St.-Josef-Kark in Veern tostännig.

Weertschop un Infrastruktur

Verkehr

An Saasloh langs löppt de Kreisstraat 13, de in’n Noordoosten över Kükenmoor na Kohlenföör an de Landsstraat 171 ran geiht un in’n Süüdwesten na Neernabargen un an de L 160 ran. De L 171 föhrt in’n Westen na Kerklinneln un Veern un in’n Oosten över Jeddingen na Visselhöövd. De L 160 löppt in’n Noordwesten över Hogenabargen, Lutten un Eitze na Veern un in’n Süüdoosten över Süüdkampen na Kerkboitzen. En lüttjere Straat löppt na Armsen.

De nächste Autobahn is de Autobahn 27 (Afsnidd Bremen–Wasra). De Opfohrt 26 Veern-Oost liggt so negen Kilometer in’n Noordwesten von Saasloh an de L 171.

De nächste Bahnhoff is so bi ölven Kilometer in’n Noordwesten de Bahnhoff Veern an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. Op de Bahnlien Veern–Wasra hett dat von 1910 bet 1969 Personenverkehr geven. De Bahnhoff Armsen weer in disse Tied dree Kilometer in’n Süüdwesten. De Bahnhoff Kerklinneln an de Bahnlien Ülzen–Langwedel (inricht 1873) weer acht Kilometer in’n Noorden, sünd aver 1987 dichtmaakt worrn.

Scholen

De Kinner ut Saasloh sünd fröher na Neernabargen op de Volksschool gahn. Vondaag gaht de Kinner op de Grundschool Lutten.

Footnoten

Kategorie:Oort Kategorie:Landkreis Veern