Herrenkamp () is en Deel von’n Oort Langwedel in de Gemeen Langwedel, Landkreis Veern, Neddersassen.
Geografie
De Oort liggt op de Achem-Veerner Geest. Dat Water ut dat Rebeed flütt över’n Goldbeek na de Ole Aller un de Werser hen af.
In fröhere Tieden weren de Naveröörd de Daubener Brook un Langwedelermoor in’n Noorden, Doolbröch in’n Noordoosten, Langwedel in’n Oosten, Eeßel in’n Süden un Dauben in’n Westen. Vondaag is de Oort aver kumplett Deel von Langwedel.
Historie
De Herrenkamp is 1766Alfred Hugenberg: Innere Colonisation im Nordwesten Deutschlands. Abhandlungen aus dem Staatswissenschaftlichen Seminar zu Straßburg, K.J. Trübner, 1891, Sied 510 ut Land von dat Vörwark Langwedel billt worrn. Dat weer denn en egen Gemeen, harr aver keen Feldmark.
Verwaltungsgeschicht
In de Franzosentied von 1810 bet 1814 hett de Oort to de Mairie Bauen in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Huusvaagdie Veern in dat Amt Veern tohöört. Na 1885 weer dat in’n Kreis Veern, de 1932 mit’n Kreis Achem to’n ne’en un grötteren Kreis Veern tohoopgahn is.
De Oort weer fröher en egenstännige Gemeen. 1900 is dat Deel von de Gemeen Langwedel worrn, de an’n 1. Juli 1972 mit de Gemeenreform in Neddersassen noch düüdlich grötter worrn is.
Inwahnertall
Religion
Herrenkamp is evangeelsch-luthersch präägt un höört to dat Kaspel von de Sigismund-Kark in Dauben.
För de Kathoolschen is de St.-Josef-Kark in Veern tostännig.
Footnoten
Kategorie:Oort Kategorie:Landkreis Veern