Schierk () is en Holt un fröher en Forsthuus in de Gemeen Karktimk (Samtgemeen Tarms) in’n Landkreis Rodenborg, Neddersassen. Polietsch hett dat Holt un dat Forsthuus al jümmer to Karktimk mit tohöört.
Geografie
Dat Holt liggt op de Zevener Geest. Dat Water ut dat Rebeed flütt över de Wörp af.
De Naveröörd sünd Oostertimk un Hemel in’n Noordoosten, Steenfeld in’n Süüdoosten, Neenbülst un Olenbülst in’n Süüdwesten, Westertimk in’n Westen un Karktimk in’n Noordwesten.
Historie
Verwaltungsgeschicht
In de Franzosentied von 1810 bet 1814 hett dat Forsthuus to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
Dat Forsthuus Schierk hett vör 1859 to de Amtsvaagdie Wilst in dat Amt Otterbarg tohöört. 1859 is dat as Deel von dat Kaspel Karktimk in dat Amt Zeven wesselt un weer na 1885 denn in’n Kreis Zeven. 1932 is dat Deel von’n Kreis Bremervöör worrn un 1977 von’n Landkreis Rodenborg.
Inwahnertall
Religion
Dat Forsthuus Schierk weer evangeelsch-luthersch präägt un hett to dat Kaspel von de Lamberti-Kark in Karktimk tohöört.
Footnoten
Kategorie:Oort Kategorie:Landkreis Rodenborg (Wümm)