Bossel () is en lütten Oort in de Gemeen Stood in’n Landkreis Stood, Neddersassen. De Oort höört binnen de Gemeen to de polietsche Oortschop Bützfleet.
Geografie
Bossel liggt in de Masch von de Elv. Dat Water ut dat Rebeed flütt över Gravens in’n Bützfleter Kanaal un in de Bützfleter Süderelv.
De Naveröörd sünd Barnkroog in’n Noorden, Kreuel un Abbenfleet mit Graueroort in’n Noordoosten, Bützfleet in’n Süden, Fleet in’n Westen un Depenbeek un Weth in’n Noordwesten.
Historie
Verwaltungsgeschicht
De Oort hett vör 1852 to dat Kaspelsgericht Bützfleet in dat Grevengericht Bützfleet tohöört, von 1852 bet 1859 to dat Amt Wischhoben un denn von 1859 bet 1885 to dat Amt Freeborg. Na 1885 weer dat in’n Kreis Keden un is 1932 Deel von’n Kreis Stood worrn.
Bossel hett in dat 19. Johrhunnert to de Buurschop Fleet höört un later to de Gemeen Bützfleet. De Gemeen Bützfleet is an’n 1. Juli 1972 mit de Gemeenreform in Neddersassen Deel von de Gemeen Stood worrn.
Inwahnertall
Religion
Bossel is evangeelsch-luthersch präägt un höört to dat Kaspel von de Nicolai-Kark in Bützfleet.
För de Kathoolschen is de Hillig-Geist-Kark in Stood tostännig.
Weertschop un Infrastruktur
För Bossel is de freewillige Füürwehr Bützfleet mit tostännig.
Verkehr
An Bossel langs löppt de Landsstraat 111, de in’n Noordwesten över Aßel un Drochters na Wischhoben un Freeborg geiht un in’n Süden na Bützfleet un bi Stood an de Bundsstraat 73 un Autobahn 26 ran.
De nächste Autobahn is de Autobahn 26 (Afsnidd Stood–Hamborg). De Opfohrt 3 Stood-Oost liggt so ölven Kilometer in’n Süden von Bossel.
De nächste Bahnhoff is so bi teihn Kilometer wied weg in’n Süden de Bahnhoff Stood an de Nedderelvbahn.
Scholen
De Kinner ut Bossel gaht in Bützfleet op de Grundschool an’t Fleet.
Footnoten
Kategorie:Oort Kategorie:Landkreis Stood