duum|Watermöhl in Wohlenbüttel Wohlenbüttel () is en lütten Oort in de Gemeen Olndörp (Samtgemeen Amelkusen) in’n Landkreis Lümborg, Neddersassen.

Geografie

De Oort liggt in de Lümbörger Heid direkt an de Luh.

De Naveröörd sünd Olndörp in’n Noordoosten, Sottörp un Amelkusen in’n Süüdoosten, Etzen un Dernsen in’n Süüdwesten, Soosdörp in’n Westen un Rulfsen in’n Noordwesten.

Historie

De Watermöhl Wohlenbüttel is 1870 boot worrn.

In’n Tweten Weltkrieg sünd fiev Soldaten ut Wohlenbüttel fullen oder vermisst.Onlineprojekt Gefallenendenkmäler

Verwaltungsgeschicht

In de Franzosentied von 1810 bet 1814 hett de Oort to de Mairie Behrn in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Amtsvaagdie Amelkusen in dat Amt Winsen tohöört, von 1852 bet 1859 to dat Amt Solzhusen un denn von 1859 bet 1885 to dat Amt Lüün. Na 1885 weer dat in’n Kreis Lümborg, de 1932 mit’n Kreis Bleikd to’n ne’en un grötteren Kreis Lümborg tohoopgahn is.

De Oort hett ganz fröher to Sottörp tohöört, is denn aver in dat 19. Johrhunnert en egenstännige Gemeen worrn. 1928/1929 is de Gemeen denn Deel von de Gemeen Olndörp worrn.

Inwahnertall

Religion

Wohlenbüttel is evangeelsch-luthersch präägt un höört to dat Kaspel von de Hippolit-Kark in Amelkusen.

För de Kathoolschen is de Marien-Kark in Lümborg tostännig.

Kultur

En Denkmaal för de Fullenen ut de twee Weltkrieg’ steiht in Amelkusen bi de Kark.

Weertschop un Infrastruktur

Verkehr

Wohlenbüttel is över lüttjere Straten anbunnen an de Landsstraat 234, de in’n Noorden över Olndörp na Solzhusen un Winsen geiht un in’n Süden na Amelkusen un Wriel. In Amelkusen krüüzt de L 234 de Bundsstraat 209, de in’n Noordoosten na Lümborg löppt un in’n Süüdwesten na Soltau.

De nächste Autobahn is de Autobahn 7 (Afsnidd Hamborg–Hannover). De Opfohrt 42 Evendörp liggt so ölven Kilometer in’n Westen von Wohlenbüttel an de L 212.

De nächste Bahnhoff is so bi 23 Kilometer wied weg in’n Noordoosten de Bahnhoff Lümborg an de Bahnlienen Wittenbarg–Bookholt un Hamborg–Hannover. Op de Bahnlien Lümborg–Soltau hett dat von 1913 bet 1977 Personenverkehr geven. De nächste Bahnhoff an disse Bahnlien weer dree Kilometer in’n Süüdoosten in Amelkusen.

Scholen

De Kinner ut Wohlenbüttel gaht na de Grundschool Amelkusen.

Footnoten

Kategorie:Oort Kategorie:Landkreis Lümborg