Johann Theodor Cornelsen (* 22. Oktober 1831 in Hornborg; † 21. Juli 1892 in Stood) weer en düütschen Politiker.
Cornelsen is 1831 in Hornborg boren. He güng in Stood op de School un hett en Lehr as Koopmann maakt. 1854 hett he tohoop mit sien Vedder Georg Heinrich Wehber de Wienhannels-Firma J. F. Wehber & Sohn in Stood övernahmen. Von 1866 af an weer Cornelsen alleen de Besitter. He weer von 1862 af an lange Johren Maat von dat Börgervörsteiher-Kolleg in Stood. Von 1866 bet to sien Dood 1892 weer he as Senater Maat von’n Magistraat von Stood. Ok in’n Hannelsvereen Stood weer he in’n Vörstand un Vörsitter un tosätzlich Öllermann von de Kooplüüd- un Schipperbröderschop in Stood. He weer Maat von de Landschop von de Hartogdömer Bremen un Veern un Viez-Maat von’n Provinziallanddag Hannover. 1892 is Cornelsen Kommerzienraad worrn.Bernd Haunfelder: Die liberalen Abgeordneten des Deutschen Reichstags 1871-1918: ein biographisches Handbuch. Aschendorff, 2004, Sied 102
Von Oktober 1884 bet Januar 1887 weer he för den Wahlkreis Provinz Hannover 18 (Stood, Geestemünn, Bremervöör, Oosterholt) un de Natschonalliberale Partei Maat von’n Düütschen Rieksdag.Fritz Specht, Paul Schwabe: Die Reichstagswahlen von 1867 bis 1903. Eine Statistik der Reichstagswahlen nebst den Programmen der Parteien und einem Verzeichnis der gewählten Abgeordneten. 2. Oplaag, Verlag Carl Heymann, Berlin 1904, Sied 130
Cornelsen hett Sophie Elisabeth Steffens freet. De beiden harrn den Söhn Franz (2. Oktober 1868–14. Oktober 1951).
Footnoten
Kategorie:Politiker (Düütschland) Kategorie:NLP Kategorie:Mann Kategorie:Boren 1831 Kategorie:Storven 1892 Kategorie:Börger von Düütschland