Harm Weber jun. (* 17. Mai 1928 in Warsingsfehn; † 22. Juli 2015) weer en düütsch Politiker (SPD). He weer Landdagsafordneter vun Neddersassen un Landraat in den Landkreis Leer.
Leven Harm Weber weer in’ Tweeten Weltkrieg as Luftwappenhülp in Willemshaven insett. Nah sien Abitur an dat Ubbo-Emmius-Gymnasium in Leer hett he en koopmännisch Utbillen maakt un weer dornah ok lang Johren as Eenzelhannelskoopmann tätig. Van 1962 bit 1976 weer he Angestellter in verscheeden Versekerungs- un Bankünnernehmen. Buterdem weer he tietwies as ehrenamtlich Verwaltensrichter tätig. He weer verheiraadt und harr twee Kinner, dorünner den aktuellen (2015) Landraat vun den Landkreis Auerk, Harm-Uwe Weber. An’ 16. Mai 2008, een Dag vör sien 80. Gebortsdag, wurr he in en Festakt in dat Raathuus to’ Ehrenbörgermeester vun de Gemeend Moormerland nömmt.Niedersächsischer Städte- und Gemeindebund (Hrsg.): Die niedersächsische Gemeinde – Zeitschrift für Ratsmitglieder in den Städten, Gemeinden und Samtgemeinden, pdf-Datei, S. 15 (oorsprünglich S. 77), afropen an’ 1. Mai 2011
Politisch Loopbahn Weber weer siet 1948 Liddmaat vun de SPD un siet 1956 Liddmaat in’ Raat vun de Gemeend Warsingsfehn. Van 1969 bit 1972 weer he Börgermeester vun de Gemeend Warsingsfehn,www.europeana.eu: Harm Weber, afropen an’ 17. August 2015. en Amt, dat all sien Vader Harm Weber sen. inneharr. Nahdem Warsingsfehn 1973 in de nee grünnd Gemeend Moormerland upgahn weer, wurr he tonächst interimsmäßig deren Börgermeester.Ortschronik Tergast: Gebietsreform 1973, afropen an’ 17. August 2015. In dat sülvig Johr wurr he to’n Börgermeester vun de Gemeend Moormerland wählt; dat Amt harr he bit 1991. In de achte un negente Wahlperiood hörr he van 1974 bit 1982 den Neddersasschen Landdag an.fes.de: SPD-Abgeordnete im Landtag von Niedersachsen seit 1946, afropen an’ 17. August 2015. Dornah weer he van 1981 bit 1986 Landraat vun den Landkreis Leer.Matthias Groote: , afropen an’ 17. August 2015.
Literatur Simon, Barbara (Bearb.): Abgeordnete in Niedersachsen 1946–1994. Herausgegeben vom Präsidenten des Niedersächsischen Landtages, Hannover 1996, S. 396 f.
Enkeld Nahwiesen
Kategorie:Mann Kategorie:Börger von Düütschland Kategorie:Neddersassen Kategorie:Oostfreesland Kategorie:Politiker (Düütschland) Kategorie:Landdagsafordneter (Neddersassen) Kategorie:Dräger vun’t Bundsverdeenstkrüüz Kategorie:SPD Kategorie:Boren 1928 Kategorie:Storven 2015