thumb|Fredric March, fotografeert vun Carl van Vechten, 1939
Fredric March, eegentlich Frederick Ernest McIntyre Bickel, (* 31. August 1897 in Racine, Wisconsin; † 14. April 1975 in Los Angeles, Kalifornien) weer en US-amerikaansch Schauspeler, de in Hollywood mehr as dre Johrteihnten lang to de wannelnstfähigsten un ansehnsten Charakterdorstellern tell. För Dr. Jekyll und Mr. Hyde (1931) un Die besten Jahre unseres Lebens (1946) wunn he tweemal den Oscar as Best Hööftdorsteller. An' Broadway wurr he buterdem tweemal mit den Tony Award uttekent.
Leven Karriere Nah dat Entlaaten ut de Armee 1918 hett March tonächst en Loopbahn as Bankangestellter in New York City plaant. Nah lüttgeren Rullen in' Vaudeville geev he 1920 sien Debüt as Bühnenschauspeler. Dorneben hett he Statistenrullen in Stummfilmen övernommen, de Anfang vun de 1920er-Johren in New York produzeert wurrn. Af 1924 speel he an' Broadway, wo he all twee Johr later mit The Devil in the Cheese den Dörbröök schaff. De groot Spood vun sien John-Barrymore-Parodie in de Kummedie The Royal Family of Broadway, de Filmadaptschoon vun dat Bühnenstück The Royal Family vun Edna Ferber un George Simon Kaufman, broch hüm 1929 en Fievjohresverdrag mit Paramount in, wo March gau to en anseggt Dorsteller upsteeg. All in sien eerst beid Johren kreeg March good Rullen neben Ann Harding in Paris Bound, Ruth Chatterton in Wiegenlied un neben Nancy Carroll in Laughter.
Den Dörbröök harr he mit sien Hööftrull in Rouben Mamoulian sien Adaptschoon vun Dr. Jekyll und Mr. Hyde, för de he en Oscar as best Hööftdorsteller kreeg. In scharpen Kontrast dorto stunnen sien Upträen neben Norma Shearer in Liebesleid un as verfolgt Christ in Im Zeichen des Kreuzes, Cecil B. DeMille sien Regie-Comeback bi Paramount. Ernst Lubitsch geev hüm 1933 en Rolle in Serenade zu dritt, de hüm gemeensam mit Gary Cooper un Miriam Hopkins wies. Nah eenig weniger interessanten Rullen hett March mit Utloopen vun den Verdrag 1934 dat Paramount Studio verlaaten un hett sien Karriere spoodriek as free lancer, also as Schauspeler ahn fast Binnen an en Filmstudio, fortsett. 1938 wurr he to'n hööchstbetallten Schauspeler vun dat Johr mit en Inkommen vun 465.000 US-Dollar.
To sien Erfolgen hörrn The Affairs of Cellini neben Constance Bennett, de Rull vun den Grafen Wronsky an de Siet vun Greta Garbo in Anna Karenina un as James Hepburn, 4. Earl of Bothwell, den Ehemann vun Maria Stuart, in Maria von Schottland mit Katharine Hepburn. Sien Talent för Kummedies wies he 1937 neben Carole Lombard in Denen ist nichts heilig ünner de Regie vun William Wellman, de hüm in dat sülvig Johr ok as alkoholkranken Ex-Star in Ein Stern geht auf neben Janet Gaynor groot rutstellen dee. Sien Karriere is in de dorupfolgend Johren en beten wat afebbt. Utnahmen billen de Kummedien Susan und der liebe Gott mit Joan Crawford un besünners Meine Frau die Hexe, bi de René Clair Regie führ un in de March al Gouverneurskandidat Wallace Wooley en wedderborn Hexe, speelt vun Veronica Lake, heiraadt. 1946 kreeg Fredric March för sien Rolle in Die besten Jahre unseres Lebens nah den Roman Glory for Me vun MacKinlay Kantor sien tweeten Oscar. En wiedere Nomineeren kreeg he 1951 för sien Dorstellen vun den Willy Loman in de Verfilmung vun dat Stück Tod eines Handlungsreisenden vun Arthur Miller.
Sien bekanntst Bühnenupträen harr he in de Kummedie The Royal Family un in Wir sind noch einmal davongekommen vun Thornton Wilder, wo he neben Tallulah Bankhead speel, as ok in en dramatiseert Faaten vun den Roman A Bell For Adano vun John Hersey. För sien Dorstellen vun den James Tyrone in Eugene O’Neill sien Eines langen Tages Reise in die Nacht wurr he 1956 mit en New York Drama Critics Award uttekent.
Privatleven Van 1921 bit 1927 weer March mit de Theaterschauspelerin Ellis Baker verheiraadt. Noch in dat Johr vun de Scheeden hett March in tweet Ehe de Schauspelerin Florence Eldridge, mit de he bit to sien Dood verheiraadt bleev. Se hemm twee Kinner adopteert. March is mit 77 Johren an Krebs storven. He wurr in New Milford, Connecticut, bisett. He hett en Steern up den Hollywood Walk of Fame.
Filmografie (Utwahl) Johr Titel Synchroonsnacker 1921 The Education of Elizabeth 1921 The Great Adventure 1929 Paris Bound 1930 Paramount on Parade dt.: Paramount-Parade 1930 Sarah and Son dt.: Wiegenlied 1930 The Royal Family of Broadway 1930 Laughter 1931 Dr. Jekyll and Mr. Hyde (Film, 1931) dt.: Dr. Jekyll und Mr. Hyde Joachim Kerzel (Synchro 1988) 1932 The Sign oft he Cross dt.: Im Zeichen des Kreuzes 1932 Smilin’ Through dt.: Liebesleid 1933 Design för Living dt.: Serenade zu dritt Claus Biederstaedt 1934 The Affairs of Cellini 1934 Death Takes a Holliday dt.: Die schwarze Majestät 1934 The Barretts of Wimpole Street 1935 We Live Again 1935 Les Misérables dt.: Die Elenden Gerd Günther Hoffmann (Synchro 1975) 1935 The Dark Angel dt.: Der Weg im Dunkel Claus Biederstaedt (Synchro 1981) 1935 Anna Karenina (Film 1935) dt.: Anna Karenina Siegfried Schürenberg (Synchro 1953) 1936 Anthony Adverse dt.: Ein rastloses Leben 1936 Mary of Scotland dt.: Maria von Schottland 1937 A Star Is Born dt.: Ein Stern geht auf Claus Biederstaedt (Synchro 1982) 1937 Nothing Sacred dt.: Denen ist nichts heilig Claus Biederstaedt (Synchro 1981) 1938 The Buccaneer dt.: Der Freibeuter von Louisiana Joachim Kemmer (Synchro 1978) 1938 There Goes My Heart dt.: Millionärin auf Abwegen 1939 Tradewinds 1940 Susan and God dt.: Susan und der liebe Gott Fred Maire (Synchro 1991) 1941 One Foot in Heaven dt.: Mit einem Fuß im Himmel 1942 I Married a Witch dt.: Meine Frau, die Hexe Friedrich Schoenfelder 1944 The Adventures of Mark Twain dt.: Die Abenteuer Mark Twains Adolf Gondrell (1. Synchro)Joachim Kerzel (2. Synchro) 1946 The Best Years of Our Lives dt.: Die besten Jahre unseres Lebens O.E.Hasse 1949 Christoph Columbus (Film, 1949) dt.: Christoph Columbus Richard Münch 1951 Death of a Salesman dt.: Tod eines Handlungsreisenden 1953 Man on a Tightrope dt.: Ein Mann auf dem Drahtseil 1954 Executive Suite dt.: Die Intriganten Ernst Schröder 1954 The Bridges of Toko-Ri dt.: Die Brücken von Toko-Ri Paul Wagner 1955 The Desperate Hour dt.: An einem Tag wie jeder andere Paul Wagner 1956 Alexander the Great (Film, 1856) dt.: Alexander der Große Erik Jelde (Synchro 1973) 1956 The Man in the Gray Flannel Suit dt.: Der Mann im grauen Flanell Siegfried Schürenberg 1959 Middle oft he Night dt.: Mitten in der Nacht Siegfried Schürenberg 1960 Inherit the Wind dt.: Wer den Wind sät Konrad Wagner 1963 Seven Days in May dt.: Sieben Tage im Mai Paul Wagner 1967 Hombre dt.: Man nannte ihn Hombre Paul Wagner 1970 …tick… tick… tick… 1973 The Iceman Cometh
Utteknungen Oscar/Best Hööftdorsteller Oscars 1931: Nomineeren för The Royal Family of Broadway Oscars 1932: Wunnen för Dr. Jekyll and Mr. Hyde Oscars 1938: Nomineeren för A Star is Born Oscars 1947: Wunnen för The Best Years of Our Lives Oscars 1952: Nomineeren för Death of a Salesman
Golden Globe Award 1951 – Nomineeren as Best Schauspeler för Death of a Salesman
BAFTA 1951 – Nomineeren as best utlännsch Schauspeler für Death of a Salesman
Weblenken
Fredric March bi Turner Classic Movies
Kategorie:Mann Kategorie:Börger von de USA Kategorie:Schauspeler Kategorie:Boren 1897 Kategorie:Storven 1975