mini|Jaroslav Drobný (1958) mini|Jaroslav Drobný bi dat Internationale Tennisturnier um den Goldenen Handschuh - Erlangen 1955 mini|Das Match ist beendet, Jack Arkinstall graleert Jaroslav Drobný - Erlangen 1955
Jaroslav Drobný (* 12. Oktober 1921 in Prag; † 13. September 2001 in London) weer en tschechoslowaaksch Tennis- un Ieshockeyspeler, de later ok Tennis för Ägypten speelt hett.
Karriere Jaroslav Drobný speel in' Winter Ieshockey un in' Sömmer Tennis; beid Sportaarten hett he up Weltklasseniveau bedreeven.
So wurr Drobný in' Ieshockey mit de tschechoslowaaksch Natschonalmannschap 1947 Weltmeester un wunn 1948 mit de Mannschap de Sülvermedaille bi de Olympisch Winterspelen.
In Wimbledon fung 1938 sien Loopbahn as Tennisspeler an. Ünnerbraken dör den Tweeten Weltkrieg kehr he 1946 up de Tennisbühne torüch un reck in dit Johr dat Finale in Roland Garros. Af 1949 hett he sück blots noch up den Tennissport konzentreert un stunn to’n eersten Mal in dat Finale vun Wimbledon, wo he aber den Amerikaner Ted Schroeder in 5 Satzen ünnerleegen weer. In dat sülvig Johr hett he beslooten, nich mehr in de Tschechoslowakei torüchtokehren; he is sietdem för Ägypten]] start.
As bit hüüd (2016) eenzig Ägypter wunn he 1954 dat Turnier vun Wimbledon gegen Ken Rosewall, nahdem he twee Johr vörher in’t Finale gegen Frank Sedgman verloren harr. Bi de franzöösch Meesterschapen weer Drobný spoodriker un wunn dat Turnier 1951 (gegen Eric Sturgess) un 1952 (gegen Frank Sedgman) in‘ Eenzel, 1948 in‘ Düppel (mit Lennart Bergelin) un in‘ Mixed (gemeensam mit Patricia Canning Todd). 1954 truck he denn nah London, wo he 2001 storven is.
In dat Johr 1983 wurr he in de Hall of Fame vun den Tennissport upnommen.
Erfolge Tennis Australian Open Düppelfinale: 1950
French Open Sieger: 1951, 1952 Finale: 1946, 1948, 1950 Düppelsieger: 1948 Düppelfinale: 1950 Mixed-Sieger: 1948
Wimbledon Championships Sieger: 1954 Finale: 1949, 1952 Düppelfinale: 1951
Ieshockey Olympisch Sülvermedaille: Olympisch Winterspelen 1948 Weltmeester: Eishockey-Weltmeesterschap 1947
Weblenken
Jaroslav Drobný in de International Tennis Hall of Fame (engelsch mit Bild) ITF-Profil vun Jaroslav Drobný (engelsch) Jaroslav Drobný in de Datenbank vun Sports-Reference (engelsch)
Kategorie:Mann Kategorie:Börger von de Tschechoslowakei Kategorie:Börger von Tschechien Kategorie:Ägypten Kategorie:Ieshockeyspeler Kategorie:Tennisspeler Kategorie:Olympiadeelnehmer (Tschechoslowakei) Kategorie:Boren 1921 Kategorie:Storven 2001