mini|Donald Trump (2025) mini|Donald Trump (2017) rechts|rahmenlos|Unnerschrift vun Donald Trump Donald John Trump [Utspraak: dɒnəld d͡ʒɒn trʌmp] (* 14. Juni 1946 in Queens, New York City) is en US-amerikaanschen Unnernehmer un Politiker. He weer Kannedat vun de Republikaners bi de Wahlen to'n US-Präsidenten 2016. Dor hett he, vun de meisten Umfragen unverwacht, gegen Hillary Clinton vun de Demokraten bi wunnen un wurr an'n 20. Januar 2017 in sien neet Amt as de 45. Präsident vun de USA inföhrt. He weer bit 20. Januar 2021 Präsident. Siet den 20. Januar 2025 is he de 47. Präsident.
Vun 1971 af an weer he CEO vun de Trump Organization. Dor hannelt sik dat um en Mischkonzern mit en poor Dusend Anstellte bi. As en Tycoon in de Immobilien- un Unnerholensbranche is de Milliardär upfullen, wiel he sik fökener afsunnerlich upföhrt hett un jummerlos in'n Middelpunkt stahn wull. Sien Naam is amangs en Mark wurrn, as bi de Trump Towers, de Hooghüüs, de sien Naam dreegt. Noch bekannter wurrn is he, as he in't Feernsehn in de Sennen The Apprentice mitmaakt hett. Vör de Wahlen weer he een vun de bekanntesten Geschäftslüüd in de USA.
In'n Juni 2015 harr he künnig maakt, he wull sik bi de Wahl to'n Präsidenten vun de USA an'n 8. November 2016 vun de Republikaansche Partei upstellen laten. Dor möss he sik eerst mol to bi de Vorwahlen dörsetten. In'n Wahlkamp, de denn losgung, hett he sik ütert over illegal Inwannern in de USA, un hett vorslahn, eerst mol keen Muslime in de USA inreisen to laten. Dor hett dat bannig Thater um geven, un in de heelen Welt is dor over snackt wurrn. Toeerst harrn de mesten Politik-Facklüde em dat nich totroot, man he hett sik vun Enne Juli 2015 gegen sien parteiinternen Mitbewarvers dörsetten konnt un hett de meisten Vorwahlen twuschen Februar un Juni 2016 wunnen. Vun Enne Mai 2016 af an harr Trump de afsolute Mehrheit vun de Deligeerten achter sik un weer an'n 19. Juli 2016 up den Parteidag vun de Republikaners in Cleveland/Ohio to'n offiziellen Kannedaten köört wurrn.
Sien Afkummst, wat he studeert hett un wat over sien Privatleven to seggen is miniatur|Donald Trump 1964 up de Militärakademie vun New York Donald Trump is dat veerte vun fiev Kinner vun den Immobilienunnernehmer Frederick Trump Jr. (1905–1999) un den sien Fro Mary Anne MacLeod (1912–2000). Sien Mudder weer de Dochter vun en Fischer Mary Pilon : Donald Trump’s Immigrant Mother In: The New Yorker. 24. Juni 2016 (engelsch). un stamm ut dat Dorp Tong up de Isle of Lewis, de to Schottland tohören deit].Auslan Cramb: Donald Trump Flies to Western Isles to Visit Mother’s Home In: The Daily Telegraph. 9. Juni 2008 (engelsch). Na sien Vadder hen weern sien Grootöllern Friedrich Trump un Elisabeth Christ ut Kallstadt in de Palz (de höör dormols to dat Königriek Bayern to). De beiden weern na de USA hen utwannert.Gwenda Blair: Donald Trump: Master Apprentice. Simon & Schuster, New York 2005, ISBN 0-7432-7510-1, S. 5 f.; Roland Paul: Der Amerika-Auswanderer Friedrich Trump aus Kallstadt und das Scheitern seiner Rückwanderung. In: Pfälzer Heimat. Band 67, 2016, S. 15–21.Ahnentafel, ausgestellt auf seinen vollbürtigen Bruder Frederick Christ Trump, auf gedbas.genealogy.net Friedrich Trump weer en Cousin in’n tweeden Grad vun den Ketchup-Unnernehmer Henry John Heinz, den sien Grootmudder Charlotta Louisagedbas.genealogy.net en boren Trump weer.Joshua Kendall: America’s Obsessives: The Compulsive Energy That Built a Nation. Grand Central Publishing, New York, Boston 2013, S. 64. In en Interview hett Trump seggt, he weer stolt up „düt düütsche Bloot“.Hannelore Crolly: Donald Trump, King of Kallstadt. In: Die Welt. 24. August 2015. 1987 harr he in sien Book The Art of the Deal noch seggt, sien Grootvadder keem ut Sweden. Dor hett he mit füdder vertellt, wat sien Vadder sik in de Tieden vun’n Tweeden Weltkrieg utdacht harr.Donald J. Trump, Tony Schwartz: Trump. The Art of the Deal. Ballantine, New York 1987, ISBN 0-345-47917-3, S. 66.; gründlich dorto Andrew Kaczynski: Trump Mocks Warren’s Native American Heritage Claim, But Falsely Claimed His Family Was Swedish. In: BuzzFeed. 17. August 2015 (engelsch).
Vun 1956 bit 1959 besoch Trump de Kew-Forest School in New York. 1959 gung he dor af un keem an de New York Military Academy in Cornwall-on-Hudson. Dor hannel sik dat um en privat Internat bi, wo de Jugendlichen as Suldaten uptagen wurrn sünd. De Schoolmesters in Kew Forest harrn sik over em utlaten un sien Vadder meen, he konn sien Söhn nich mehr stüern.Michael D’Antonio: „Sei ein Killer“, Weltwoche 22/2016.Internetborn Heike Buchter, Kerstin Kohlenberg, Thorsten Schröder, Eva Schweitzer : Das größte Ego Amerikas, in: Die Zeit, 2016-05-19 Up dat Internat weer Trump unbannig good in’n Sport un hett 1964 sien Highschool-Afsluss maakt. Achternah hett he Weertschopswetenschoppen studeert. Vun 1964 bit 1966 weer he an de Fordham-University in New York un 1966 is he denn an de renommeerte Wharton School in Philadelphia annahmen wurrn.Valerie Strauss: Yes, Donald Trump really went to an Ivy League school. In: The Washington Post, 17. Juli 2015 (engelsch). As Studenten is Trump nich füdder upfullen. He hett ok nich gegen den Vietnamkrieg demonstreert, as annere Studenten. As he noch studeer, geev sien Vadder em as Startkapital 2 Mio. Dollar un he gung bi, un köff ole boofällige Hüser, maak de wedder torecht un verköff de denn mit groten GewinnMatt Viser: Even in College, Donald Trump Was Brash. In: The Boston Globe. 28. August 2015 (engelsch). Dat Studium hett he 1968 as Bachelor afslaten. Achterna hett he en Attest vun’n Dokter kregen un möss nich to’n Wehrdeenst. Dor harrn se em unner Umstänn na Vietnam henstüert.Steve Eder, Dave Philipps: Donald Trump’s Draft Deferments: Four for College, One for Bad Feet. In: The New York Times, 1. August 2016 (engelsch). Trump hett sülms seggt, he harr dor Maleschen harrt mit een oder mit beide Hacken: Dor weer an de Knaken en Buul wussen, de harr sik avers later torüch billt. mini|Trump un sien drüdde Fro Melania Trump an‘n 8. Februar 2016. Dat weer de Avend vor de eersten Vorwahlen. Se staht hier up en Bühn in Manchester, New Hampshire
1977 hett he dat Model Ivana Marie Zelníčková ut Tschechien freet. De beiden hefft de Söhns Donald Jr., nömmt Don, (* 1977) un Eric (* 1984) un de Dochter Ivanka (* 1981) mit’nanner. 1990 hett sik dat Paar scheden laten.Internetborn: Trumps Get Divorce; Next, Who Gets What? The New York Times, 1990-12-12 Vun 1993 bit 1999 weer he verhieraat mit de amerikaansche Schauspelersche Marla Maples. Mit ehr hett he de Dochter Tiffany (* 1993) kregen. 2005 hett he dat Model Melania Knauss ut Slowenien freet. 2006 is ehr Söhn Barron William to’e Welt kamen. sien beiden eersten Söhns Don un Eric un sien Dochter Ivanka hefft hüdigendags all en Positschoon heel boven in dat Familienunnernehmen The Trump Organization . Ivanka hett bovento noch Karriere maakt as Model. Achtmol is Trump amangs Grootvadder wurrn.About Donald J. Trump, donaldjtrump.com (engelsch)
Trump höört to de presbyteriaansche Marble Collegiate Church to, de to de Reformed Church in America tohören deit.Eugene Scott: Church Says Donald Trump Is Not an ‘Active Member’. In: CNN. 28. August 2015 (engelsch). Wat he gloven deit, hett he openbar vun den doren Paster Norman Vincent Peale overnahmen. Peale hett christliche Ansichten tohopenknütt mit de säkulare Lehr vun dat „Positive Denken“.Pascal-Emmanuel Gobry: What is Donald Trump’s religion? In: The Week, 11. Juli 2016 (englisch); David Stebenne: Donald Trump’s Religious Background and the 2016 Presidential Election. In: The Huffington Post, 19. Juli 2016 (engelsch). Trump seggt sülms, he begeev sik heel un deel dat Smöken vun Zigaretten un drinkt ok keen Alkohol. Datt sien ollern Broder Fred 1981 vunwegen de Alkoholkrankheit sturven weer, harr em dor noch mehr vun overtüügt.Jason Horowitz: For Donald Trump, Lessons From a Brother’s Suffering. In: The New York Times. 2. Januar 2016 (engelsch). Trump sien Suster Maryanne Trump-Barry is Bundesrichtersche an den United States Court of Appeals (Appellatschonsgericht).Jason Horowitz: Familiar Talk on Women, From an Unfamiliar Trump. In: New York Times. 18. August 2015 (engelsch).
Sien Weg in de Politik mini|Donald Trump (rechts) schuddelt den dormoligen Präsidenten Ronald Reagan de Hand (1987) mini|Trump snackt bi de Conservative Political Action Conference (2015)
Vun de 1980er Johre af an hett sik Trump jummer wedder mol ütert to de Politik. 1987 hett he sik as Liddmaat vun de Republikaners inschrieven laten. 1999 gung he rover na de Independence Party. Dat weer en Paten vun Ross Perot sien Reform Party. 2001 gung he na de Demokraten, un 2009 is he wedder Liddmaat wurrn bi de Republikaners. Bit 2012 hen hett he sien Parteispennen meist to lieke Deele an de beiden groten Parteien verdeelt. Bovento hett he 100.000 US-Dollar an de Clinton Foundation geven, un hett sik lang Tied goot verstahn mit Hillary Clinton.Nick Gass: Donald Trump Has Spent Years Courting Hillary and Other Dems. In: Politico. 16. Juni 2015 (engelsch).
Al 1988, 2000 (for de Reform Party) un 2004 (for de Demokraten) hett he simmelert, of he sik for de Wahlen to’n US-Präsidenten upstellen laten schall. 2006 (for de Demokraten) un 2014 (for de Republikaners) speel he mit den Gedanken, bi de Wahlen to’n Gouverneur vun New York an to treden.Cooper Allen: Donald Trump and White House Bids. A Long History of Not Running. In: USA Today. 15. Juni 2015 (engelsch) Ok bi de Präsidentenwahlen vun 2012 hett he seggt, he konn sik dat woll vörstellen, an to treden, man in’n Mai 2011 hett he denn doch afseggt. In: CNN. 16. Mai 2011 (engelsch). En paar Weken vordem harr he vun Präsident Barack Obama verlangt, he schall sien Bortsorkunn opentlich utstellen. Dor hett he mit betwiefelt, ob Obama overhoop Präsident ween dröffGlenn Kessler: A Look at Trump’s ‘Birther’ Statements. In: The Washington Post. 28. April 2011 (engelsch). In’n September 2016 hett he de Theorie, Obama weer nich in de USA up‘ Welt kamen, torüchnahmen.nytimes.com 16. September 2016: Donald Trump Clung to ‘Birther’ Lie for Years, and Still Isn’t Apologetic
He warrt Präsidenten-Kannedat 2016 He maakt künnig, dat he mitmaken will An’n 16. Juni 2015 hett Trump künnig makt, dat he sik vun de Republikaners upstellen laten woll to de Wahlen um dat Amt vun den US-Präsidenten.Reid J. Epstein, Heather Haddon: Donald Trump Enters 2016 Presidential Race. Reality-TV Personality and Real-estate Developer is 12th Candidate to Join Republican Race. In: The Wall Street Journal. 16. Juni 2015 (engelsch). Trump hett verspraken, he woll dat upnehmen mit de groten Weertschopsmächte in de heelen Welt – gans anners, as de US – Politik. Bovento woll he gegen dat illegale Towannern wat doon. As groten Geschäftsmann buten de Machtzirkels in Washington verstunn he sik dor up. He hett noch toföögt, he würr „de basigste Arbäidssteed-Präsident“ ween, „den Gott jemols maakt hett“Annie Karni, Adam B. Lerner: Trump says he's running for president, really. In: Politico. 16. Juni 2015 (engelsch). To sien Wahlspröök hett he dat Woort maakt: „Make America great again“ ( „Maak Amerika wedder groot“). Düssen Slogan harr al Ronald Reagan bi de Wahlen vun 1980 bruukt, man Trump harr dor de Rechten an kregen.
„Trump sien Sommer” mini|hochkant|Trump bi’n Wahlkamp an’n 19. August 2015 in New Hampshire