Bredenfellermoor () is en lütten Oort in de Gemeen Hellweeg (Samtgemeen Söttmer) in’n Landkreis Rodenborg, Neddersassen. De Oort höört polietsch von öllers bi Hellweeg mit bi.

Geografie

De Oort liggt in en Moorrebeed. Dat Water ut dat Rebeed flütt över den Rehnengraven na de Wümm hen af. In’n Süüdwesten liggt dat Naturschuulrebeed Waller Moor.

De Naveröörd sünd Ahusen un Bokel in’n Noordoosten, Ebersen in’n Oosten, Spang un Heidkroog in’n Süüdoosten, Völkersen in’n Süüdwesten, Hoberloo un Allerdörp in’n Westen un Stell in’n Noordwesten.

Historie

Bredenfellermoor is 1848 von Hellweeg ut grünnt worrn.

Verwaltungsgeschicht

De Oort hett vör 1885 to dat Amt Rodenborg tohöört. Na 1885 weer dat in’n Kreis Rodenborg, de 1977 mit’n Landkreis Bremervöör to’n ne’en un grötteren Landkreis Rodenborg tohoopgahn is.

Inwahnertall

Religion

Bredenfellermoor is evangeelsch-luthersch präägt un höört to dat Kaspel von de Marien-Kark in Ahusen.

För de Kathoolschen is de Corpus-Christi-Kark in Rodenborg tostännig.

Weertschop un Infrastruktur

Verkehr

Bredenfellermoor is över lüttjere Straten anbunnen an de Kreisstraten K 24 in Hoberloo in’n Westen, an de K 205 in Hellweeg in’n Noorden un an de K 31 bi Heidkroog in’n Süüdoosten. De K 31 wedder föhrt na de Bundsstraat 215, de in’n Noordoosten över Ebersen na Rodenborg geiht un in’n Süüdwesten na Veern. De K 24 löppt in’n Süden na Völkersen an de Landsstraat 155 un de K 205 in’n Oosten na Ahusen un in’n Noorden na Söttmer an de B 75. Von Hellweeg geiht de K 234 in’n Westen an de L 155 ran.

De nächsten Autobahnen sünd de Autobahn 27 (Afsnidd Bremen–Wasra) un de Autobahn 1 (Afsnidd Hamborg–Bremen). De Opfohrt 51 Posthusen op de A 1 liggt so ölven Kilometer in’n Noordwesten von Bredenfellermoor an de L 155 un de Opfohrt 24b Langwedel op de A 27 13 Kilometer in’n Süüdwesten.

De nächste Bahnhoff is so bi teihn Kilometer wied weg in’n Süüdwesten de Bahnhoff Langwedel an de Bahnlien Wunsdörp–Bremen. Disse Bahnhoff is ok inbunnen in dat Nett von de Regio-S-Bahn Bremen/Neddersassen. De Bahnhoff Söttmer an de Bahnlien Hamborg–Bremen liggt teihn Kilometer in’n Noorden.

Footnoten

Kategorie:Oort Kategorie:Landkreis Rodenborg (Wümm)