Wilhelm Ringklib (* 1819 in Lümborg; † 6. Juni 1886 in Wienhusen) weer en düütschen Statistiker.
Ringklib is 1819 in Lümborg boren.
He weer von 1842 af an Kalkulater-Gehülp bi de Landdrostie Lümborg un harr dor al en Statistisches Handbuch für die Landdrostei Lüneburg rutbrocht.Neues Archiv für Niedersachsen. Band 5, W. Dorn, 1952, Sied 377 Hermann Abeken hett em 1851 denn an dat Statistische Büro von dat Königriek Hannover haalt. Dor is he 1853 Kalkulater worrn un 1864 Kommissar.Carl Stüve, Walter Vogel: Veröffentlichungen der niedersächsischen Archivverwaltung. Utgaav 11, Vandenhoeck & Ruprecht, 1960, Sied 707
Nadem Prüßen dat Königriek Hannover 1866/1867 annekteert hett, hett 1868 dat Prüüßsche Statistische Landsamt in Berlin de Opgaven von dat Büro övernahmen un Ringklib is in Rohstand gahn.
Ringklib hett Helene Wilhelmine Rebecca Marie Cannenbley freet. De beiden harrn de Kinner Henriette Johanne Elisabeth Marie (* 17. Dezember 1855), Hartwig Georg Friedrich Hermann (* 2. Februar 1858), Anna Sophie Henriette Caroline (* 8. November 1859), Karl Ernst August Ludwig Heinrich (* 7. Juli 1862) un Johanne Dorothea Luise Hedwig (* 5. März 1866).
Rezeptschoon
Ringklib speelt en Rull för Arno Schmidt sien Romaan Das steinerne Herz von 1956. In dat Book versöcht de Protagonist an ole Böker rantokamen, ünner annern Ringklib sien drüdde Oplaag von de Statistische Uebersicht der Eintheilung des Königreichs Hannover.
Warken
Ausführliche Beschreibung des im Herbste 1843 in der Umgegend von Lüneburg stattgefundenen grossen Übungs-Lagers des 10. deutschen Bundes-Armee-Corps. E. H. C. Schulze, 1843 Hannover 1852 Chronik der Stadt Uelzen – Beschreibung, Stadtrecht, Stadtverfassung und Geschichte. Ülzen 1859 Statistisches Handbuch der Provinz Hannover. 1. Eintheilung der Provinz Hannover in Verwaltungs- und Gerichts-Bezirke. 2. Alphabetisches Ortschaftsverzeichniß. Angabe der Namen aller Ortschaften, ihrer Eigenschaft und der für jeden Ort zuständigen Verwaltungs- und Gerichts-Behörden, der Pfarre und der Postanstalt. Klindworth, Hannover 1880
Footnoten
Kategorie:Mann Kategorie:Statistiker Kategorie:Boren 1819 Kategorie:Storven 1886 Kategorie:Börger von Düütschland