Büggeln () is en lütten Oort in de Gemeen Hagen in’n Landkreis Cuxhoben, Neddersassen.
Geografie
De Oort liggt op de Oosterholter Geest. Dat Water ut dat Rebeed flütt över den Albster Dörpgraven na de Gackau hen af.
De Naveröörd sünd Albst in’n Noorden, Bremerhorn un Biloh in’n Oosten, Ohlenst un Haslah in’n Süüdoosten, Hoop un Woldar in’n Süüdwesten, Wolsbuddel in’n Westen un Dörphagen in’n Noordwesten.
Historie
Verwaltungsgeschicht
De Oort hett vör 1885 to dat Amt Hagen tohöört. Na 1885 weer dat in’n Kreis Geestmünn. 1932 is dat Deel von’n Kreis Wersermünn worrn un 1977 von’n Landkreis Cuxhoben.
De Gemeen Albst is an’n 1. März 1974 mit de Gemeenreform in Neddersassen Deel von de Gemeen Wolsbuddel (Samtgemeen Hagen) worrn. Wolsbuddel wedder is an’n 1. Januar 2014 Deel von de Gemeen Hagen worrn.
Inwahnertall
Religion
Büggeln is evangeelsch-luthersch präägt un höört to dat Kaspel von de Jacobi-Kark in Braamst.
För de Kathoolschen is de Hillig-Hart-Jesu-Kark in Geestmünn tostännig.
Weertschop un Infrastruktur
Verkehr
Dör Büggeln löppt de Kreisstraat 48, de in’n Noordoosten na Albst, Wohlthöben un Lübbs geiht un in’n Süüdwesten an de Landsstraat 135 ran un denn na Wolsbuddel, Leernst un Uthleer.De L 135 geiht in’n Noordwesten na Hagen un Bremerhoben un in’n Süden över Garlst na Ihlpohl un Bremen-Noord.
De nächste Autobahn is de Autobahn 27 (Afsnidd Bremen–Bremerhoben). De Opfohrt 13 Uthleer liggt so söven Kilometer in’n Westen von Büggeln an de K 48.
De nächste Bahnhoff is so bi söss Kilometer wied weg in’n Noordoosten de Bahnhoff Lübbs an de Bahnlien Bremen–Bremerhoben.
Footnoten
Kategorie:Oort Kategorie:Landkreis Cuxhoben