Eyndörp () is en Dörp un Gemeen in de Samtgemeen Solzhusen in’n Landkreis Horborg in Neddersassen mit .

Geografie

De Oort liggt in de Lümbörger Heid. Dat Water ut dat Rebeed flütt över’n Noordbeek na de Luh hen af.

De Naveröörd sünd Oilstörp un Solzhusen in’n Noorden, Luhmöhlen in’n Noordoosten, Röndahl in’n Oosten, Puunsen in’n Süüdoosten, Raben un Rulfsen in’n Süden, Lübberstää un Äästörp in’n Westen un Gö’nstörp in’n Noordwesten.

De Navergemenen von de Gemeen Eyndörp sünd Solzhusen in’n Noorden un Oosten, Soosdörp in’n Süden un Gö’nstörp in’n Westen.

Historie

duum|Windmöhl in Eyndörp duum|Watertoorn in Eyndörp To de öllsten Funnen op dat Rebeed von dat Dörp höört de Grootsteengräver bi Eyndörp.

Eyndörp kummt 1084 toeerst in de Oorkunnen vör.

De Eyndörper Windmöhl is 1897 as Eerdhollanner boot worrn.

In’n Eersten Weltkrieg sünd 19 Soldaten ut Eyndörp fullen oder vermisst un in’n Tweten Weltkrieg 61.Onlineprojekt Gefallenendenkmäler

Verwaltungsgeschicht

In de Franzosentied hett de Oort toeerst 1810 bet 1811 binnen dat Königriek Westfalen to de Mairie Luhmöhlen in’n Kanton Garlstörp höört un denn von 1811 bet 1814 to dat Franzöösche Kaiserriek ünner Napoleon un dor to de Mairie Garlstörp in’n Kanton Garlstörp.

De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Tied von 1852 bet 1859 hett de Oort kort to dat Amt Solzhusen höört. Na 1885 weer dat in’n Kreis Winsen. 1932 is dat Deel von’n Kreis Horborg worrn.

De Oort weer jümmer en egenstännige Gemeen, de an’n 1. Juli 1972 mit de Gemeenreform in Neddersassen Maat von de Samtgemeen Solzhusen worrn is.

Inwahnertall

Religion

Eyndörp is evangeelsch-luthersch präägt un höört to dat Kaspel von de Johannis-Kark in Solzhusen.

För de Kathoolschen is de St.-Maria-Kark in Äästörp tostännig, de siet 1. November 2014 to de Karkengemeen St. Petrus in Bookholt tohöört.

De Karkhoff Eyndörp liggt an de Oosterfeld-Schossee.

Politik

Börgermeesters

Tied Naam Partei 2001–31. Oktober 2016 Reinhold Spieker SPD 1. November 2016– Norbert Lühmann SPD

Wapen un Flagg

Dat Wapen von de Gemeen is in veer Feller deelt. Baven vörn gollen, baven achtern rood, ünnen achtern gollen un ünnen vörn rood. Över de Feller is en sülvern Hartschild sett, de en blauen Wellenbalken un dor vör en swarten Watertoorn wiest.

Kultur

En Denkmaal för de Fullenen ut de twee Weltkrieg’ steiht in de Dörpmidd von Eyndörp. Dat Denkmaal is 1924 anleggt worrn.

Verenen

De Schüttenvereen Eyndörp is an’n 20. Juni 1952 grünnt worrn. Vörgänger von’n Schüttenvereen weer de Kriegervereen Eyndörp, de sik an’n 28. Juni 1908 grünnt hett. De Kriegervereen weer toletzt 1939 aktiv.

Weertschop un Infrastruktur

Eyndörp hett en egene freewillige Füürwehr, de 1902 grünnt worrn is.

Verkehr

Dör Eyndörp löppt de Kreisstraat 5, de in’n Oosten na Puunsen an de Landsstraat 234 ran geiht un in’n Westen na Lübberstää un Äästörp an de L 212. De K 5 warrt krüüzt von de K 4, de in’n Noorden in Solzhusen in de L 216 münnt un in’n Süden na Raben, Rulfsen un Soosdörp föhrt.

De nächste Autobahn is de Autobahn 7 (Afsnidd Hamborg–Hannover). De Opfohrt 41 Äästörp liggt so fiev Kilometer in’n Westen von Eyndörp an de K 5.

De nächste Bahnhoff is so bi 19 Kilometer wied weg in’n Noordoosten de Bahnhoff Winsen an de Bahnlien Hamborg–Hannover. Von 1906 bet 1970 hett dat ok Personenverkehr op de Bahnlien Winsen–Hützel geven, an de dat Dörp en egen Bahnhoff harr.

Footnoten

Weblenken

Websteed von de Gemeen (hoochdüütsch)

Kategorie:Oort Kategorie:Landkreis Horborg