Roy Ward Baker (* as Roy Horace Baker 19. Dezember 1916 in London; † 5. Oktober 2010 ok dor) weer en britischen Filmspeelbaas un Filmproduzent.
Leven un Wark In junge Johren hett Baker af un an för de Gainsborough Studios in London arbeit un sik in de Johren dorna hooch arbeit bit to’n Helpsmann vun’n Speelbaas. Ünner annern hett he in de 1930er Johren bi Alfred Hitchcock arbeit. In’n Tweeten Weltkrieg weer he tosamen mit Eric Ambler bi de Army Kinematograph Unit. Dorna hebbt se tosamen baker sien eersten Film The OCtober Man dreiht. Eerst weer he as Roy Baker ünnerwegens, vun Mitt vun de 1960er Johren an hett he den Binaam Ward toföögt, üm nich mit den britischen Filmeditor verwesselt to warrn.
In de 1960er un 1970er Johren weer Baker Speelbaas bi en poor Horrorfilmen, vör allen vun de Hammer-Studios. Man, he weer ok Speelbaas bi’t Feernsehn, för dat he to’n Bispeel achtteihn Episoden för de Reeg The Saint (dt.: Simon Templar) un acht Folgen för de Reeg The Avengers (dt.: Mit Schirm, Charme und Melone) usw. dreiht hett. Vun disse Feernseharbeiten sünd eenige Warken ok as Dubbelfolgen in düütsche Kinos wiest worrn. Baker hett sik 1992 vun’t aktive Filmgewarf torüchtogen.
Baker weer tweemol verheiraat. Sien Eh weer mit Joan Davies, mit de he en Kind haar. De Eh is aver scheedt worrn. Sien tweete Fro weer Muriel Bradford, man ok disse Eh is wedder scheedt worrn.
Produkschonen (Utwahl) Johr Originaltitel dt. Titel 1943 According to Our Records, Kortfilm 1947 The October Man Jim Ackland unter Mordverdacht 1948 The Weaker Sex 1950 Morning Departure Die Nacht begann am Morgen 1950 Highly Dangerous Lebensgefährlich 1952 Don’t Bother to Knock Versuchung auf 809 1955 Passage Home Eine Frau kommt an Bord 1956 Tiger in the Smoke Tiger im Nebel 1957 The One That Got Away Einer kam durch 1958 A Night to Remember Die letzte Nacht der Titanic 1961 Flame in the Streets Schwarze Fackel 1962 The Valiant Alarm auf der Valiant 1963-64 The Human Jungle, Feernsehreeg 1967 Quatermass and the Pit Das grüne Blut der Dämonen 1968 The Anniversary Die Giftspritze 1965-68 The Avengers, Feernsehreeg Mit Schirm, Charme und Melone 1963-68 The Saint, Feernsehreeg Simon Templar 1969 Moon Zero Two Banditen auf dem Mond 1970 The Vampire Lovers Gruft der Vampire 1970 Scars of Dracula Dracula – Nächte des Entsetzens 1972 Asylum Asylum – Irrgarten des Schreckens 1974 Mission: Monte Carlo 1979-80 Sherlock Holmes and Doctor Watson, Feernsehreeg Sherlock Holmes und Dr. Watson 1981 The Monster Club Monster Club 1981 The Flame Trees of Thika, Feernsehreeg Im Land des Feuerbaums 1979-89 Minder, Feernsehreeg 1992 The Good Guys, Feernsehfolgen
Utteken Baker weer för sien Wark veermol för Filmpriesen vörslahn, vun de he dree wunnen hett: 1973: mit den OCIC Award vun’t Berliner Filmfestival in de Kategorie Forum of New Cinema för Asylum 1973: mit den Interfilm Award vun’t Berliner Filmfestival in de Kategorie Forum of New Cinema för Asylum 1981: mit den Tokiekerpries vun’t Fantafestival för The Monster Club
Weblenken
Reference Guide to British and Irish Film Directors op screenonline.org.uk
Kategorie:Filmproduzent Kategorie:Speelbaas Kategorie:Börger von Grootbritannien Kategorie:Mann Kategorie:Boren 1916 Kategorie:Storven 2010