De Behr AG is en Ünnernehmen ut Ohlendörp, dat Grööntüüg anboot un verdrifft. De Rechtsform is en Aktiensellschop.
2014 harr dat Ünnernehmen en Ümsatz von 144,09 Milljonen Euro.http://de.statista.com/unternehmen/10451/behr-ag Den Vörstand billt Rudolf Behr un Christiane Behr, de Vörsitter von’n Opsichtsraad is Werner Albers (Stand Februar 2016).
Historie
1882 hett de Familie Behr anfungen, Bueree to drieven. Noch in de Johren 1970 weer de Anbo op 12 Hektar begrenzt.Haspa: Winter 2008, Sied 3
In de Johren 1960 hett sik Behr spezialiseert op den Anbo von Grööntüüg un 1988 is de R. + C. Behr oHG grünnt worrn. 1991 hett dat Ünnernehmen anfungen, in Gresse in Mekelborg-Vörpommern ok Grööntüüg antoboon. In dat sülve Johr hebbt se Andelen an dat Ünnernehmen Agrar Systems S.A. in Spanien köfft.
Dat Ünnernehmen hett sik 2003 de Rechtsform von en Aktiensellschop geven un 2006 hett de Anbo in Polen anfungen.
2008 hett Behr för 13 Milljonen Euro en 11.000 Quadratmeter grote Köhl- un Logistikhall (7000 Quadratmeter Köhllager) in’ Süden von Ohlendörp bootBirgit Tiefenbach: Das Gemüse-Zentrum wächst, Hamburger Abendblatt an’n 28. März 2008 un 2011 dat Ünnernehmen Geißler Gemüsebau in Büttelborn övernahmen.Historie der Behr AG
Vondaag boot Behr op över 4000 Hektar Grööntüüg an (dorvon 1500 ha in Ohlendörp, 1500 ha in Gresse, 300 ha in Büttelborn).Standorte der Behr AG 150 Hektar sünd Öko-Landbo. In Polen un Spanien sünd dat noch maal 1200 Hektar.Portrait der Behr AG
Footnoten
Weblenken
Websteed von dat Ünnernehmen (hoochdüütsch)
Kategorie:Ünnernehmen Kategorie:Landkreis Horborg