Günter Weiß (* August 1928 in Wittenbarg) is en düütschen Ünnernehmer un Politiker von de CDU.
Weiß is 1928 as Söhn von’n Bäcker Fritz Weiß in Wittenbarg bi Fleest boren. He hett en Lehr as Bäcker bi de Bäckeree Wischmeyer in Oolwarder maakt. Nadem de Bäckeree von siene Öllern in Hamborg utbummt worrn is, hebbt se 1945 de Bäckeree Kröckel in Glüsen pacht un ehr 1952 ganz övernahmen. Weiß hett de Bäckeree later von siene Öllern övernahmen.
De Bäckeree hett he 1988 mit to de Tied 45 Mitarbeiders an sien Söhn övergeven.Karin Eberhardt: Bäckermeister Günter Weiß wird Tostedter Ehrenbürger, Allgemeine Bäcker-Zeitung an’n 15. September 2008 Vondaag hett se 240 Mitarbeiders.
Politik
In Glüsen is Weiß 1956 in’n Gemeenraad wählt worrn. He weer 28 Johr Afornten in’n Kreisdag von’n Landkreis Horborg un fiev Johr Viez von’n Landraad Axel Gedaschko.
Von’n 5. November 1981 bet 27. November 1991 un noch en tweet Maal von’n 1. November 1996 bet 21. März 2008 weer he Börgermeester von de Gemeen Töst. Tosätzlich weer he von’n 14. Januar 1988 bet 31. Dezember 1998 Samtgemeenbörgermeester von de Samtgemeen Töst.
An’n 25. August 2008 is Weiß as Ehrenbörger von de Gemeen Töst uttekent worrn.Carolin Trümper: Günter Weiß wird heute Tostedts neuer Ehrenbürger, Hamburger Abendblatt an’n 25. August 2008
Siene Fro Marga hett he 1954 freet. De beiden hebbt dree Söhns.
Footnoten
Kategorie:Mann Kategorie:Politiker (Düütschland) Kategorie:Landkreis Horborg Kategorie:Boren 1928 Kategorie:Börger von Düütschland