Christoph Gottlieb Pfannkuche (* 18. Mai 1785 in Veern; † 27. Februar 1868 in Veern) weer en düütschen Verwaltungsbeamten.
Pfannkuche is 1785 as Söhn von Christine Elisabeth, borene Müller (29. Januar 1752–12. Dezember 1811), un den Pastoor Christoph Gottlieb Pfannkuche (13. Juli 1745–17. November 1808) in Veern boren.Familiengeschicht von de Familie PfannkucheKrause: Pfannkuche, Christoph Gottlieb in: Allgemene Düütsche Biografie 25 (1887), S. 605-606 online He hett Juristeree an de Universität Göttingen studeert un hett an’n 18. September 1805 sien Diplom as Richter un Notar kregen.Familiengeschicht von de Familie Pfannkuche Toeerst weer he Avkaat un Notar in Brooksen un is denn an’n 6. Juni 1806 in Veern Senater worrn. As Veern in de Franzosentied to dat Königriek Westfalen höört hett, weer Pfannkuche Prokurater bi dat Distriktstribunal un 1812 Notar in Achem.
He is 1837 as Börgermeester von de Stadt Veern wählt un an’n 25. Januar 1838 in dat Amt inföhrt worrn. In dat sülve Johr is he verbunnen mit dat Amt as Börgermeester ok Landraad von de Landschop von de Hartogdömer Bremen un Veern worrn. To’n 1. November 1855 is he as Börgermeester in Rohstand gahn.
Pfannkuche hett nich freet. Siene Bökeree is na sien Dood an de Bibliotheek von dat Doomgymnasium Veern gahn.
Vondaag is na em in Veern de Börgermeester-Pfannkuche-Straat nöömt.
Warken
Die ältere Geschichte des vormaligen Bisthums Verden. Bauer, Veern 1830 Die neuere Geschichte des vormaligen Bisthums Verden. Bauer, Veern 1834
Footnoten
Kategorie:Mann Kategorie:Beamten Kategorie:Jurist Kategorie:Boren 1785 Kategorie:Storven 1868