Barlinghusen () is en lütten Oort in de Gemeen Wuster Noordseeküst in’n Landkreis Cuxhoben, Neddersassen. De Oort höört polietsch al von öllers bi Mulsen mit bi.

Geografie

De Oort liggt in de Masch von Land Wusten. De Noordsee is good dree Kilometer in’n Westen. Dat Water ut dat Rebeed flütt af över de Padingbüddeler-Mulsener Waterlöös.

De Naveröörd sünd Rotthusen in’n Noorden, Themeln, Valg un Dorum in’n Noordoosten, Feldsaten in’n Oosten, Lewen, Mulsen un Wierde in’n Süüdoosten, Twendamm, Hornk, Mirk un Misselwarden in’n Süüdwesten, Veerhusen un Flohborg in’n Westen un Wetenweg un Engbüttel in’n Noordwesten.

Historie

Verwaltungsgeschicht

In de Franzosentied von 1810 bet 1814 hett de Oort to de Mairie Dorum in’n Kanton Dorum höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort weer vör 1852 in dat Wierder Veerdel von dat Kaspel Mulsen un hett to dat Vaagdiegericht Land Wusten tohöört. Von 1852 bet 1885 leeg de Oort in’t Amt Dorum un denn in’n Kreis Leh. 1932 is dat Deel von’n Kreis Wersermünn worrn un 1977 denn von’n Landkreis Cuxhoben.

To’n 1. Januar 2015 is de Gemeen Mulsen oplööst un Deel von de ne’e Gemeen Wuster Noordseeküst worrn.

Inwahnertall

Religion

Barlinghusen is evangeelsch-luthersch präägt un höört to dat Kaspel von de Marien-Kark in Mulsen.

För de Kathoolschen is de Hillig-Hart-Jesu-Kark in Bremerhoben-Leh tostännig.

Weertschop un Infrastruktur

Verkehr

Barlinghusen liggt an de Barlinghuser Straat, de in’n Noordwesten na Padingbüddel geiht un in’n Süüdoosten in Mulsen an de Landsstraat 129 ran. De L 129 geiht in’n Noordoosten na Dorum un Millm un in’n Süden na Wremen, Dingen un Weddewarden.

De nächste Autobahn is de Autobahn 27 (Afsnidd Bremerhoben–Cuxhoben). De Opfohrt 4 Niewohl liggt so teihn Kilometer in’n Oosten von Barlinghusen an de L 119.

De nächste Bahnhoff is so bi veer Kilometer wied weg in’n Noordoosten de Bahnhoff Dorum an de Bahnlien Bremerhoben–Cuxhoben.

Footnoten

Kategorie:Oort Kategorie:Landkreis Cuxhoben