Paul Mohr (* 11. Dezember 1902 in Willemsborg; †) weer en düütschen Politiker un Verwaltungsbeamten.
Mohr is 1902 boren un hett en Lehr as Möller maakt.Christel Oldenburg: Tradition und Modernität. Die Hamburger SPD von 1950–1966. LIT Verlag, Mönster 2009, Sied 730 Bi de Horbörger Möhlenwarken weer he eerst Ünnermöller, later Bövermöller.''Einigkeit. Zentralorgan der Gewerkschaft Nahrung-Genuss-Gaststätten, Band 9, 1958, Sied 40 He weer Maat von de Gewerkschaft Verband von de Broeree- un Möhlenarbeiders, Parteisekretär von de SPD un von 1929 bet 1933 Stadtverornten in Horborg-Willemsborg. Na de Machtergreifung von de Natschonalsozialisten müss he sik ut de Politik trüggtehn.
Bi de Börgerschopswahlen 1946 is he in de Hambörger Börgerschop wählt worrn un weer von 1949 af an Maat von’n Bezirksutschuss von’n Bezirk Horborg. He weer Distriktsvörsitter von de SPD in Willemsborg un Vörsitter von’n Bedrievsraad von de Horbörger Möhlenwarken. In de Börgerschop is he von de eerste bet to de veerte Wahlperiood bleven, as he to’n 1. Februar 1958 sien Mandaat dalleggt hett, üm Baas von dat Bezirksamt in’n Bezirk Horborg to warrn. För em in de Börgerschop narückt is Friederike Fischer. Baas von dat Bezirksamt is he bet 1968 bleven.
Footnoten
Kategorie:Mann Kategorie:Hamborg Kategorie:Politiker (Düütschland) Kategorie:Beamten Kategorie:Boren 1902 Kategorie:Börger von Düütschland