Annandale is en Whisky-Brenneree bi Annan, Dumfries and Galloway, Schottland.
Historie De Brenneree is 1830 vun George Donald in de Neeg vun de Stadt Annan grünnt worrnInformatschonen op Scotlandsplaces.gov.uk. 1883 is de Destille an John Gardner verköfft worrn, de se na teihn Johren an Johnnie Walker wieter verköfft hett. De hett ehr aver 1924 stillleggen müsstEgene Websteed vun de Annandale-BrennereeArtikel: Annandale Distillery takes a major step forward, vun’n Dumfries and Galloway Standards, 2010 un verköff dat Grundstück an en Familie Robinson, de dor denn Landweertschop bedreven hett. Mitt vun de 1880er Johren hett Alfred Barnard de Destille besöcht, so dat ut de Tiet en rieken Bericht över den Bedrief wohrt worrn is. Dormols schall de Brenneree in’t Johr ruchweg 28.000 Gallonen produzeert hebbenA. Barnard: Die Whiskybrennereien des Vereinigten Königreichs, Monsenstein und Vannerdat, Münster, 2012, S. 280–281. ISBN 978-3-86991-497-8..
De Brenneree-Bowarken sünd 2007 vun David Thomson un Teresa Church köfft worrn, de vun 2011 an mit den Bo to’n Wedderapenmaken anfungen hebbt. Dat erste Fatt dorna weer in’n November 2014 affüllt.Annandale Diary of the rebuilding , afropen an’n 16. November 2014Annandale distillery to fill its first cask, afropen an’n 16. November 2014Whisky im Bild: Annandale füllt erstes Fass, afropen an’n 16. November 2014
Produkschoon De Brenneree Annandale liggt in dat schottische Whiskyrebeet Lowlands. Plaant is, dat anfangs en rökerigen Whisky produzeert warrn schall. Man, de Produkschoonssteden sünd groot noog, dat blangento ok en nich rökerten Whisky herstellt warrn kann. Luut Websteed gifft dat dorför scheedte low wines un spirit receiver, üm de ünnerscheedlichen Whiskys nich to vermischenAnnandale Whisky, afropen an’n 16. November 2014.
In de Brenneree gifft dat en Meeschfatt (mash tun) vun 2,5 Tunnen un veer hölten Gäärfatten (wash backs), vun de jeedeen 12.000 l opnehmen kann. Brennt warrt in en wash still vun 12.000 l un twee spirit stills to 4.000 l. Produzeren deit de Destille in’t Johr ruchweg 250.000 l reinen AlkoholAnnandale-Designing The Plant, afropen an’n 16. November 2014
Kiek ok List vun de schottischen Brennereen
Literatur A. Barnard: Die Whiskybrennereien des Vereinigten Königreichs, Monsenstein und Vannerdat, Münster, 2012. ISBN 978-3-86991-497-8. Originalutgaav: A. Barnard: The Whisky Distilleries of the United Kingdom, Harper’s Weekly Gazette, London, 1887.
Borns
Kategorie:Whiskybrenneree Kategorie:Whiskymarke Kategorie:Schottland