Inzmöhlen () is en Oort in de Gemeen Handörp (Samtgemeen Töst) in’n Landkreis Horborg, Neddersassen.

Geografie

Dör Inzmöhlen flütt de Weseler Moorbeek, de dor in de Seev münnt. De Oort liggt an’n Noordwestrand von dat Naturschuulrebeed Lümbörger Heid.

De Naveröörd sünd Wörm in’n Noorden, Holm un Schierhoorn in’n Noordoosten, Wesel un Wehlen in’n Süüdoosten, Wintemaur an de Chaussee un Cordshagen in’n Süüdwesten, Will in’n Westen un Handörp in’n Noordwesten.

Historie

In’n Tweten Weltkrieg sünd söss Soldaten ut Inzmöhlen fullen oder vermisst.http://www.denkmalprojekt.org/dkm_deutschland/wesel_wk1u2_ns.htm

1950 hett de Vereen Naturschutzpark Lümbörger Heid en olen Hoff in Inzmöhlen köfft. Op dissen Hoff hett 1960 de Hans-Breuer-Harbarg för Ooldwannerers apenmaakt (nöömt na Hans Breuer). De Vereen hett den Hoff 1998 denn wedder verköfft un dor is dat Zentrum för Dagfohrten Danzheimat Inzmöhlen von worrn.http://www.verein-naturschutzpark.de/index.htm?http://www.verein-naturschutzpark.de/gebaeude.htm 1970 hett de Vereen in Inzmöhlen en Schäperhuus boot, dat 1973 afbrennt, aver kort later wedder opboot worrn is.

An’n 4. September 2015 hett dat in dat Huus von de Danzheimat Inzmöhlen en Kunferenz von Heilpraktikers geven, bi de 29 Deelnehmers de Droog 2C-E to sik nahmen hebbt un denn all in’t Krankenhuus müssen., NDR.de an’n 8. September 2015

De Jugendharbarg in Inzmöhlen, de 1961 apenmaakt hett, hett in’n 2015 dichtmaakt.

Verwaltungsgeschicht

In de Franzosentied von 1810 bet 1814 hett de Oort to de Mairie Behrn in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1885 to de Amtsvaagdie Garlstörp in dat Amt Winsen tohöört. Blots in de Tied von 1852 bet 1859 hett de Oort kort to dat Amt Solzhusen höört. Na 1885 weer dat in’n Kreis Winsen. 1932 is dat Deel von’n Landkreis Horborg worrn.

In dat 19. Johrhunnert hett Inzmöhlen noch to de Gemeen Wehlen tohöört, is in dat 20. Johrhunnert denn aver egenstännige Gemeen ween. De Oort is an’n 1. Juli 1972 mit de Gemeenreform in Neddersassen Deel von de Gemeen Handörp worrn.

Inwahnertall

Religion

Inzmöhlen is evangeelsch-luthersch präägt un höört to dat Kaspel von de Nikodemus-Kark in Handörp. De Karkengemeen besteiht siet 1959. Vörher hett de Oort to dat Kaspel von de Jakobi-Kark in Hanstää höört, to dat ok de Magdalenen-Kark in Unnel tohöört hett.

För de Kathoolschen is de Hillig-Hart-Kark in Töst tostännig, de siet 1. November 2014 to de Karkengemeen St. Petrus in Bookholt tohöört.

Kultur

En Denkmaal för de Fullenen ut den Tweten Weltkrieg steiht in Wesel op’n Karkhoff.

Verenen

In’n Scheetsport sünd de Inzmöhlener Schütten in’n Schüttenvereen Wesel un Ümgegend mit aktiv.

Weertschop un Infrastruktur

De freewillige Füürwehr Handörp, de ok von Anfang an för Inzmöhlen mit tostännig weer, is an’n 30. Oktober 1934 grünnt worrn.

Verkehr

Dör Inzmöhlen löppt de Kreisstraat 27, de in’n Westen dör Handörp na Will an de Bundsstraat 3 ran geiht un in’n Süüdoosten över Wesel un Unnel na Sohrendörp an de Landsstraat 213. In’n Noorden geiht von de K 27 de K 28 af över Holm, Holm-Seppens un Seppens na Bookholt.

De nächsten Autobahnen sünd de A 1 un de A 7. De Opfohrt 42 Dibbersen op de A 1 liggt so 16 Kilometer in’n Noorden von Inzmöhlen un de Opfohrt 41 Äästörp op de A 7 liggt 17 Kilometer in’n Oosten.

De nächste Bahnhoff is en goden Kilometer wied weg in’n Westen de Bahnhoff Handörp an de Heidbahn.

Scholen

De Kinner ut Inzmöhlen gaht na de Grundschool Handörp op School.

Literatur

Hermann Schettler: Ortschronik von Handeloh mit den ehemaligen Gemeinden und jetzigen Ortsteilen Handorf/Handeloh, Höckel, Inzmühlen und Wörme. 1983

Footnoten

Kategorie:Oort Kategorie:Landkreis Horborg