Woxdörp () is en Dörp in de Gemeen Seevdaal in’n Landkreis Horborg, Neddersassen. De Oort höört polietsch al von öllers bi Metzendörp mit bi.

Geografie

Bi Woxdörp flüüt de Engelbeek langs. Een Kilometer in’n Noordoosten liggt de Landsgrenz na Hamborg.

De Naveröörd sünd Bääkdörp un Weid in’n Noordoosten, Wittenbarg in’n Oosten, Fleest in’n Oosten, Metzendörp in’n Süden, Tötsen in’n Süüdwesten un Lüra in’n Noordwesten.

Historie

Een von de öllsten Funnen in Woxdörp is dat Graff von Woxdörp ut de Jungsteentied.

In’n Eersten Weltkrieg sünd fiev Soldaten ut Woxdörp fullen oder vermisst.http://www.denkmalprojekt.org/dkm_deutschland/hitfeld2.htm

Verwaltungsgeschicht

In de Franzosentied von 1810 bet 1814 hett de Oort to de Mairie Mäkelfeld in’n Kanton Hittfeld höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.

De Oort hett vör 1852 to de Vaagdie Hittfeld in dat Amt Horborg tohöört un denn von 1852 bet 1859 to dat Amt Hittfeld. 1859 is dat wedder Deel von dat Amt Horborg worrn. Na 1885 weer dat in’n Kreis Horborg. 1932 is dat Deel von’n ne’en, grötteren Landkreis Horborg worrn.

De Oort is as Deel von de Gemeen Metzendörp an’n 1. Juli 1972 mit de Gemeenreform in Neddersassen an de Gemeen Seevdaal kamen. Binnen de Gemeen Seevdaal höört Woxdörp to de Oortschop Fleest-Glüsen-Bääkdörp-Metzendörp. Woxdörp billt keen egen Gemeendeel un tellt to’n Gemeendeel Metzendörp.

Inwahnertall

Religion

Woxdörp is evangeelsch-luthersch präägt un höört to dat Kaspel von de Mauritius-Kark in Hittfeld.

För de Kathoolschen is de St.-Ansgar-Kark in Hittfeld tostännig, dat siet 2014 to de Karkengemeen Goden Hirt in Winsen tohöört.

Kultur

Wandtafeln in Gedenken an de Fullenen ut den Eersten Weltkrieg hängt in Hittfeld an de Kark.

Verenen

De Schüttenvereen Fleest un Ümgegend, in den de Woxdörper Schütten mit in sünd, is an’n 17. April 1898 grünnt worrn.

Weertschop un Infrastruktur

As freewillige Füürwehr is de Füürwehr Bääkdörp-Metzendörp för Woxdörp mit tostännig, de an’n 1. April 1937 grünnt worrn is. Vörher weer de Löschgrupp Woxdörp-Metzendörp von de Freewillige Füürwehr Sinsdörp för Woxdörp tostännig.

In Woxdörp doot twee Waterwarken von’n Waterbeschaffungsverband Horborg liggen.

Verkehr

Dör Woxdörp löppt de Kreisstraat 69, de in’n Noordoosten na Bääkdörp geiht un in’n Süüdwesten na Tötsen.

De nächste Autobahn is de Autobahn 7. De Opfohrt 35 Fleest liggt so dree Kilometer in’n Oosten von Woxdörp.

De nächste Bahnhoff is knapp twee Kilometer wied weg in’n Süüdoosten de Bahnhoff Hittfeld an de Bahnlien Hamborg–Bremen.

Literatur

Unter alten Eichen: Chronik von Emmelndorf, Woxdorf und Metzendorf. Reinhold, 1992

Footnoten

Kategorie:Oort Kategorie:Landkreis Horborg