Dat Good Nottensdörp () is en Eddelgood in dat Dörp Nottensdörp in de Gemeen Nottensdörp (Samtgemeen Hornborg) in’n Landkreis Stood, Neddersassen.
Historie
1802 hett de Landraad Dietrich von Düring dat Good Nottensdörp, dat mit dat Good Hornborg I verbunnen weer, an de twee börgerlichen Besitters Hinrich Lemmermann un Johann Bellmann verköfft. In dat Johr 1818 hebbt disse twee Besitters dat Good aver wedder verköfft an den Söhn von Landraad von Düring, Ernst Johann Christian von Düring. De Familie von Düring hett dat Good denn bet in dat 20. Johrhunnert tohöört.
Dat hüdige Goodshuus is 1927 von Fritz Höger boot worrn, de eng befrünnt weer mit de Goodsfro Thekla von Düring. Dat Richtfest weer an’n 3. Juni 1927 un in’n November kunn de Familie von Düring dor intehn.„Muse hochgeistiger Männer“. Die Gutsbesitzerin Thekla von Düring in ihrer Rolle gegenüber dem Hamburger Arzt Hans Much und dem Architekten Fritz Höger Dat Gebüüd is ut Klinker un hett twee Etaaschen. Dat is vondaag as Bodenkmaal schuult. Ok dat ole Goodshuus ut dat 19. Johrhunnert steiht noch.
Goodsherrn
–1802: Dietrich von Düring 1818–1851: Ernst Johann Christian von Düring 1851–1874: George Arp von Düring 1874–1904: Ernst von Düring 1904–1915: Marquard von Düring 1915–: Thekla von Düring Ernst-August von Düring
Verwaltungsgeschicht
Dat Good hett vör 1852 to dat Gericht Delm tohöört un denn von 1852 bet 1859 to dat Amt Hornborg. Von 1859 bet 1885 weer dat in dat Amt Harsfeld un na 1885 in’n Kreis Stood. 1932 is dat Deel von’n ne’en, grötteren Kreis Stood worrn.
Inwahnertall
Religion
Dat Good Nottensdörp is evangeelsch-luthersch präägt un höört to dat Kaspel von de Leevfroon-Kark in Hornborg. Fröher hett dat Good to dat Kaspel Obbens tohöört.
För de Kathoolschen is de St.-Marien-Kark in Buxthu tostännig.
Footnoten
Kategorie:Eddelgood Kategorie:Landkreis Stood