De Ornithologie (ooldgr. ὄρνῑθ- [órnῑth-], Stamm vun ὄρνις [órnis] – „Vagel“ –, un λόγος [lógos], „Begripp“, „Woort“) oder Vagelkunne is de Twieg in de Wetenschop vun de Zoologie, de sik mit Vagels befaten deit. De Vagels (Aves) sünd mit um un bi 10.000 Aarden een vun de Klassen mank de Warveldeerten, wo de meisten Aarden tohören doot. De Ornithologie sett sik unner annern mit de Physiologie, de Taxonomie, de Ökologie ut'neen un unnersocht, wat dat mit de Vagels up sik hett un wie se sik upföhren doot. En sunnerlich Feld up dat Ornithologen togange sünd, is dat Unnersöken vun den Vageltreck, unner annern mit Hölp vun de Ringe, wo de Vagels mit markeert weert. De Geschicht vun de wetenschoppliche Ornithologie is tominnst in dat 20. Johrhunnert in Düütschland sunnerlich mit Vagelschutz un Naturschuul verbunnen.
In de Ornithologie gifft dat nich bloß Facklüde, de in de Wetenschop arbeiden doot, man ok allerhand Amateurornithologen, de to'n Deel wichtige Bidräge brocht hefft, um enkelte Aarden, Gruppen un regionale Populatschonen beter to verstahn.
Weblenken
Max-Planck-Institut for Ornithologie Deutsche Ornithologen-Gesellschaft Informatschonen ut de Welt vun de Vagels BirdLife International Ornithology: The Science of Birds Naturschutzbund NABU/BirdLife Düütschland Deutscher Jugendbund für Naturbeobachtung ornithologie.net – Portal für Vogelkunde und Vogelbeobachtung ornitho.ch – Portal für schweizer Vogelbeobachter ornitho.de – Portal für deutsche Vogelbeobachter Schweizerische Vogelwarte Sempach Schweizer Vogelschutz/BirdLife DFG Science TV: Duck Stop Bodensee – 260.000 Wasservögel auf Nahrungssuche – Video-Serie over 260.000 Watervagels, wie se leven doot un wat dat for dat Ökosystem vun den Bodensee to bedüern hett.
Tiedschriften Journal für Ornithologie DER FALKE – Das Journal für Vogelbeobachter. Gefiederte Welt & Die Voliere. VÖGEL – Das Magazin für Vogelbeobachtung.
Kategorie:Ornithologie