Övelgünn () is en lütten Oort in de Gemeen Zeven in’n Landkreis Rodenborg, Neddersassen. De Oort höört polietsch al von öllers bi Badenst mit bi.
Geografie
Övelgünn liggt en knappen Kilometer von de Baad af.
De Naveröörd sünd Godenst in’n Noorden, Brauel in’n Noordoosten, Zeven in’n Oosten, Olendörp in’n Süüdoosten, Badenst un Schohöben in’n Süüdwesten un Oostereis un Baadmöhlen in’n Noordwesten.
Historie
Verwaltungsgeschicht
In de Franzosentied von 1810 bet 1814 hett de Oort to de Mairie Karktimk in’n Kanton Otterbarg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to de Huusvaagdie Zeven in dat Amt Zeven tohöört. Na 1885 weer dat in’n Kreis Zeven. 1932 is dat Deel von’n Landkreis Bremervöör worrn un 1977 von’n Landkreis Rodenborg.
De Oort is an’n 1. März 1974 as Deel von de Gemeen Badenst mit de Gemeenreform in Neddersassen an de Gemeen Zeven kamen.
Inwahnertall
Religion
Övelgünn is evangeelsch-luthersch präägt un höört to dat Kaspel von de Vitus-Kark in Zeven.
För de Kathoolschen is de Christ-König-Kark in Zeven tostännig, de siet 1. November 2006 to de Karkengemeen Corpus Christi in Rodenborg tohöört.
Weertschop un Infrastruktur
Verkehr
Övelgünn liggt dicht bi de Landsstraat 122, de in’n Noordwesten na Oostereis, Rhaar un Gnarrenborg geiht un in’n Oosten na Zeven an de Bundsstraat 71 ran. L 122 un L 133 loopt in’n Oosten all beid na Zeven an de Bundsstraat 71 ran. Na Süüdwesten geiht von de L 122 de L 133 af, de na Badenst un Tarmst föhrt.
De nächste Autobahn is de Autobahn 1. De Opfohrt 48 Elsdörp liggt so 13 Kilometer in’n Süüdoosten von Övelgünn.
De nächsten Bahnhööv sünd so bi 26 Kilometer wied weg in’n Noorden de Bahnhoff Heesdörp an de Bahnlien Bremerhoben–Buxthu un 27 Kilometer wied weg in’n Süüdoosten de Bahnhoff Scheeßl an de Bahnlien Hamborg–Bremen.
Footnoten
Kategorie:Oort Kategorie:Landkreis Rodenborg (Wümm)