Landmark () is en Oort in de Gemeen Bülkau (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Bülkau mit bi. De Oort warrt ünnerdeelt in Landmark Noorden un Landmark Süden.
Geografie
Landmark liggt as Stratendörp langs den Haadler Kanaal in de Masch von de Au.
De Naveröörd sünd Kedenbrook un Spreng in’n Noordoosten, Bülkau in’n Oosten, Gehren in’n Süüdoosten, Siedendeel in’n Süüdwesten, Ophusen in’n Westen un Oosterbrook in’n Noordwesten.
Historie
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
* Landmark Noorden: 41 Lüüd, 8 Hüüs; Landmark Süden (mit Lüchtenpils): 37 Lüüd, 8 Hüüs ** Landmark Noorden: 49 Lüüd, 9 Hüüs; Landmark Süden: 43 Lüüd, 9 Hüüs
Religion
Landmark is evangeelsch-luthersch präägt un höört to dat Kaspel von de Johannis-Kark in Bülkau.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
Landmark is över lüttjere Straten in’n Oosten in Bülkau an de Landsstraat 144 anbunnen un inn Westen in Helmworth an de Landsstraat 117.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 22 Kilometer in’n Noordwesten von Landmark un de Opfohrt 3 Noordholt 24 Kilometer in’n Westen.
De nächste Bahnhoff is so bi negen Kilometer wied weg in’n Noordoosten de Bahnhoff Kumbarg an de Nedderelvbahn.
Footnoten
Kategorie:Oort Kategorie:Landkreis Cuxhoben