Westermoor () is en lütten Oort in de Gemeen Wingst (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers to de Gemeen Wingst.
Geografie
Westermoor liggt in en Moorrebeed twüschen de Geest von de Wingst in’n Oosten un de Masch von de Au in’n Westen. Direkt dör den Oort löppt de Neehuus-Bülkauer Kanaal.
De Naveröörd sünd Ooldkeden in’n Noordoosten, Quetschenhagen, Kleverbarg, Kriegerkuhl un Krummenbusch in’n Süüdoosten, Tollboom in’n Süden un Moorwettern in’n Noordwesten.
Historie
De Oort is fröher ok Caadwischer Moor nöömt worrn.
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
Religion
Westermoor is evangeelsch-luthersch präägt un höört to dat Kaspel von de Nicolai-Kark in Kumbarg.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
Westermoor is över lüttjere Straten verbunnen mit de Kreisstraat 22 in’n Oosten un de K 21 in’n Süden. De K 22 geiht in Kumbarg an de Bundsstraat 73 ran un de K 21 in Bülkau an de Landsstraat 144.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 26 Kilometer in’n Noordwesten von Westermoor.
De nächste Bahnhoff is so bi veer Kilometer wied weg in’n Noordoosten de Bahnhoff Kumbarg an de Nedderelvbahn.
Footnoten
Kategorie:Oort Kategorie:Landkreis Cuxhoben