Oostermoor () is en Oort in de Gemenen Kumbarg un Wingst (Samtgemeen Land Hadeln) in’n Landkreis Cuxhoben, Neddersassen. De Oort is vondaag kumplett mit Kumbarg tohoopwussen.
Geografie
De Oort Oostermoor liggt an’n Rand von dat Oostermoor, wat as Moorrebeed twüschen de Wingst un den Kumbarger Geestsporn liggt. Dat Water ut dat Oostermoor flütt över dat Geversdörper Slüsenfleet na de Oost af.
De Naveröörd sünd Kumbarg un Bösenhörn in’n Noorden, Oostercaadwisch in’n Oosten, Höden in’n Süüdoosten, Olenfloot un Fievhusendörp in’n Süüdwesten un Möhlenreeg, Müggenbarg un Klotzen in’n Westen.
Historie
Oostermoor is in öllere Tieden ok Kumbargermoor nöömt worrn.
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De gröttere Deel von Oostermoor hett al jümmer to Kumbarg höört. De lüttjere Deel hett aver fröher to de Gemeen Voigtding höört, de an’n 1. Juni 1970 an de Gemeen Wingst kamen is.
Inwahnertall
Kumbarg:
Voigtding (ok Moorweg nöömt):
Religion
Oostermoor is evangeelsch-luthersch präägt un höört to dat Kaspel von de Nicolai-Kark in Kumbarg.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
Von Oostermoor gaht lüttjere Straten dör Kumbarg na de Kreisstraat 21 un na de Bundsstraat 73, de in’n Noordwesten över Neehuus un Oterndörp na Cuxhoben geiht un in’n Süüdoosten över Hemmoor/Warstood/Basbeek un Himmelpoorten na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 31 Kilometer in’n Noordwesten von Oostermoor.
De nächste Bahnhoff is so bi een Kilometer wied weg in’n Noordwesten de Bahnhoff Kumbarg an de Nedderelvbahn.
Footnoten
Kategorie:Oort Kategorie:Landkreis Cuxhoben Kategorie:Oort, dör den en Verwaltungsgrenz löppt