duum|Luftbild von dat Autoterminal duum|Radartoorn an de Noordspitz von Krusenbusch duum|Koort von’n westen Deel von dat Binnendelta von de Elv mit Krusenbusch (ahn Naam) twüschen Oolwarder un Groot Kattwiek, herstellt 1789 bet 1796 ünner Gustav Adolf von Varendorf Krusenbusch () weer en lütt Eiland un Hoff, de op dat hüdige Rebeed von’n Hambörger Stadtdeel Willemsborg legen hett. Fröher hett Krusenbusch to Oolwarder höört. Vondaag is dat as Halvinsel en Deel von Kattwiek.
Geografie
Krusenbusch leeg fröher as Eiland in dat Binnendelta von de Elv in’n Süden von Hamborg. In’n Westen leeg de Köhlbrand un in’n Oosten de Reth. De Eilannen ümto weren Neehoff in’n Noordoosten, Kattwiek un Hogeschaar in’n Süden, Oolwarder in’n Westen un Waltershoff in’n Noordwesten.
Later hett sik Krusenbusch mit Kattwiek to een Eiland verbunnen.
Historie
Krusenbusch billt vondaag en Deel von’n Hambörger Haven un is kumplett beboot. Dor liggt nu en Autoterminal.
De Rararstatschoon in Krusenbusch is 1962 in Bedriev gahn.
Verwaltungsgeschicht
In de Franzosentied von 1810 bet 1814 hett de Oort to de Mairie Oolwarder in’n Kanton Willemsborg höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör de Tied üm 1765 rüm to de Vaagdie Oolwarder in dat Amt Horborg höört un weer denn von 1765 af an in de Vaagdie Oolwarder un Finkwarder. Na 1885 weer dat in’n Kreis Horborg. 1932 is dat Deel von’n ne’en, grötteren Kreis Horborg worrn. Mit dat Groot-Hamborg-Gesett is de Hoff to’n 1. April 1937 Deel von de Stadt Hamborg worrn.
Inwahnertall
Religion
Krusenbusch weer evangeelsch-luthersch präägt un hett to dat Kaspel von de Gertruden-Kark in Oolwarder höört.
Weertschop un Infrastruktur
Verkehr
Krusenbusch is blots över de Kattwiekstraat mit Kattwiek in’n Süden verbunnen. Von dor geiht de Kattwiekdamm na Moorborg un de Hogeschaar-Straat na Neehoff un Willemsborg.
Footnoten
Kategorie:Oort Kategorie:Bezirk Hamborg-Midd